ನಲ್ಲೆ...

ಇಲ್ಲೆ ಎಲ್ಲೊ ಇರುವೆ ನೀನು,
ಒಲ್ಲೆ ಎಂದ ಬಡವ ನಾನು,
ಎಲ್ಲೆ ಇರದ ಪ್ರೀತಿಯನ್ನು
ನಲ್ಲೆಯಾಗಿ ತಂದೆ ನೀನು,
ಒಮ್ಮೆಯಾದರೂನೂ ಮತ್ತೆ ನೀನು ಎದುರು ಬಾರೆಲೆ....

ಬೆಲ್ಲದಂತ ನಿನ್ನ ಮನದೆ,
ಬಳ್ಳಿಯಂತ ಪ್ರೀತಿ ಬರೆದೆ,
ಕಲ್ಲಿನಂತೆ ಕಠಿಣನಾದೆ,
ಎಲ್ಲಿ ಹೋದೆ ಗೆಳತಿ ನೀನು ನನಗೆ ಹೇಳದೆ,
ಒಮ್ಮೆಯಾದರೂನೂ ಮತ್ತೆ ನೀನು ಎದುರು ಬಾರೆಲೆ....

ಅಲ್ಲಿ ಇಲ್ಲಿ ಅಲೆವ ಮನವ,
ಇಲ್ಲೇ ತಡೆದು ಹಿಡಿದೆ ನಾನು,
ಕಳ್ಳನಾಗಿ ನಿಲ್ಲಲಾರೆ
ಮಳ್ಳ ಮನವ ಉಳಿಸಲಾರೆ
ಚೆಲ್ಲಿ ನಿನ್ನ ಮುಗ್ದ ನಗುವ,
ಒಮ್ಮೆಯಾದರೂನೂ ಮತ್ತೆ ನೀನು ಎದುರು ಬಾರೆಲೆ....

ನೀನೆ...

ನಿರಾಭರಣ ಸುಂದರಿಯೆ,
ನಿರ್ವಸ್ತ್ರ ಧಾರಿಣಿಯೆ,
ನಿರುಪಮ ಚೆಲುವೆಯೆ,
ನಿರ್ಜೀವವಾಗುತಿಹೆ ಜೀವ ಉಳಿಸೆ...

ಅಸಮಾನ ಸುಮತಿಯೆ,
ಅನುಪಮ ವಾಚಾಳಿಯೆ,
ಅನಿಯತ ಕೌಮಾರಿಯೆ,
ಅನವರತ ನೆನೆಯುತಿಹೆ ನನ್ನ ಉಳಿಸೆ...

ಸುರಲೋಕ ಬಾಲಿಕೆಯೆ,
ಸರ್ವಗುಣ ಸಂಪನ್ನೆ,
ಸುಪ್ತಮತಿ ಶ್ರೀಮತಿಯೆ,
ಸರ್ವಸ್ವ ನೀನಾಗಿರುವೆ ಬಂದು ಉಳಿಸೆ...