ಹುಸಿಮನಸು...

ಏನ ಹೇಳಲಿ...?

2012-01-16T16:20:00.000+05:30

ಏನ ಹೇಳಲಿ ನಾನು...??ಎನ್ನ ಒಡಲಿನ ಬೆಂಕಿಸುಡುತಿದೆ ನರ-ನಾಡಿಗಳೆಲ್ಲವನು,ತಂಗಾಳಿಯಾಗಿ ತಬ್ಬುವೆಯಾ ಒಮ್ಮೆ ನೀನು||ಏನ ಹೇಳಲಿ ನಾನು...??ತಣಿಸುವುದ ಮರೆತು ತಂಗಾಳಿ,ಬಿಸಿಯುಸಿರಲಿ ಬೆರೆತು ಆಗಿದೆ ಬಿಸಿಗಾಳಿ,ಮುಂಜಾನೆ ಮಂಜಾಗಿ ಮೈಸೇರು ಒಮ್ಮೆ ನೀನು||ಏನ ಹೇಳಲಿ ನಾನು...??ಮಂಜು ಮೈ ಸೇರಿದರುಇಳಿಯದಾಗಿದೆ ಕಾವು,ಎನ್ನೊಡಲಲ್ಲೇ ಅಡಗಿರು ಸದಾ ನೀನು||

ಯಾರಿಗಾಗಿ..??

2012-01-13T14:28:00.000+05:30

ಬಾಳೆಯ ತೋಟದಲಿ ಕಂಡ
ಬಾಳೆದಿಂಡಿನ ಬಾಲೆ,
ಬೆಳ್ಳಿ ಬೆಳಕಲಿ ಹೊಳೆದು
ಬಳುಕುತಿರುವೆ ನೀ ಯಾರಿಗಾಗಿ??

ಕೊಳದ ಕಮಲದೆ ಕಣ್ಣು,
ಪಳ-ಪಳನೆ ಮಿಂಚುತಿದೆ,
ಕೊಲ್ಲುವಂತಿದೆ ಕಣ್ಣಂಚಿನ ಮಿಂಚು,
ಕಣ್ಣಂಚಿನ ಸಂಚಿನಾಟವು ಯಾರಿಗಾಗಿ??

ತೊಂಡೆ ಹಣ್ಣಿನ ತುಟಿಯ,
ತಿಂದು ರುಚಿಸುವ ಬಯಕೆ,
ನೂರೊಂದು ಮುತ್ತುಗಳ ಸಾಲಾಗಿ ಜೋಡಿಸಿಹೆ,
ಸಾಲ ಮುಂದಿರುವ ಕೆಂದುಟಿಯು ಯಾರಿಗಾಗಿ??

ಶಿಲೆಯ ಒಳಗಣ ಕಲೆಯ
ಕೆತ್ತಿ ತೋರಿಸುವಂತೆ,
ನಿನ್ನಂದ ತೋರುತಿಹ ಕಲೆಯೊಡತಿ
ಶಿಲಾಬಾಲಿಕೆಯ ಭಂಗಿ ಯಾರಿಗಾಗಿ??

ಹಸಿರ ಕಾನನದಲ್ಲಿ
ಒಂಟಿ ಮರವೊಂದಕ್ಕೆ
ಅಪ್ಪಿ ನಿಂತಿರುವ ಬಳ್ಳಿ ನೀ,
ಆ ಒಲವಿನ ಅಪ್ಪುಗೆ ಯಾರಿಗಾಗಿ??

ನೋಡಬೇಕೆನಿಸಿದೆ...

2012-01-12T10:21:00.000+05:30

ಕನಸೆಂಬ ಊರಲ್ಲಿ,
ಕನವರಿಸಿದ ಮನದಲ್ಲಿ,
ಮಿನುಗುತಿಹ ತಾರೆ ನೀನು,
ಕಣ್ಮುಂದೆ ಬಾರೆ ಗೆಳತಿ||

ಕನಸಲ್ಲೇ ನೋಡಿ ನೋಡಿ,
ಕಹಿನೆನಪು ಮೂಡಿ,
ಮನಸಿಂದು ಬಾಡಿದೆ,
ಕಣ್ಮುಂದೆ ಬಾರೆ ಗೆಳತಿ||

ಮುದ್ದು ಮಲ್ಲಿಗೆ ಹೂವೆ,
ಮನದಲ್ಲೆಲ್ಲಾ ಬರಿ ನೋವೆ,
ಮರೆತರು ಮರೆಯಲಾರೆ ನಿನ್ನ,
ಕಣ್ಮುಂದೆ ಬಾರೆ ಗೆಳತಿ||

ಮರಳುಗಾಡಲಿ ಇನ್ನು,
ಬೇಯಲಾರೆನು ನಾನು,
ನೋಡಬೇಕೆನಿಸಿದೆ ನಿನ್ನ,
ಕಣ್ಮುಂದೆ ಬಾರೆ ಗೆಳತಿ||

ನಲಿದಾಡುತಿರುವೆ...

2011-12-29T00:17:00.000+05:30

ನಗುವ ಮರೆತ ಯುಗದಲಿ
ಕಾದ ಕಡಲಾಗಿದ್ದೆ ನಾನು,
ಅಂದದರಸಿಯ ಚೆಂದದ ನಗುವ ಕಂಡೆ,
ಕಾದು ಕುಳಿತಿದ್ದ ಸಮಯವ ಮರೆತು
ನಿನ್ನ ನಗೆಯಲ್ಲೇ ನಲಿದಾಡುತಿರುವೆ...||

ಕಡಲೊಡಲಿನ ಕಪ್ಪೆಚಿಪ್ಪಲಿ
ಸ್ವಾತಿ ಮಳೆಹನಿಯ ಮುತ್ತು,
ಮುತ್ತು ಮುತ್ತುಗಳೊಂದೊಂದು
ಮತ್ತೊಂದರೊಡನೆ ಬೆರೆತ
ನಗುವ ಮುತ್ತಿನ ಹಾರದಲೆ ನಲಿದಾಡುತಿರುವೆ...||

ತಿಳಿ ಹಾಲ ಕೊಳದಲ್ಲಿ,
ತಡ ಜಾವದಲಿ ಮಿಂದು
ಮಡಿಯುಡುಗೆಯಲಿ ಬಂದ
ಶ್ವೇತ ಸುಂದರಿ ನಿನ್ನ
ಹಾಲ್ಗಲ್ಲದ ನಗುವಲ್ಲೇ ನಲಿದಾಡುತಿರುವೆ...||

ಕನಸು...

2011-12-23T18:11:00.002+05:30

ನಂದು ಇಂದುಗಳೆಲ್ಲಾ
ಎಂದೋ ಕಂಡ ಕನಸು,
ಮುಂದು ಯಾರೆಂದು
ಕಾಣಬೇಕಿದೆ ಇಂದು ಕನಸು ||

ಹಿಂದಾದರಾಗಲಿ
ಇಂದಾದರಾಗಲಿ
ಮುಂದಾದರಾಗಲಿ
ಕಂಡ ಕನಸೆಂದೆಂದು ಮಧುರ ||

ಹಿಂದೆ ನಂದು ಬಂದಳು
ಇಂದು ಇಂದು,
ಮುಂದೆ ಬರಬಹದು ವಂದು
ಕಂಡ ಕನಸೆಂದೆಂದು ಮಧುರ ||

ನಂದು ನನ್ನವಳಲ್ಲ
ಇಂದು ಇರಲು ಬರಲಿಲ್ಲ,
ಮುಂದೆ ಬರುವವಳ ಬಗ್ಗೆ ತಿಳಿದಿಲ್ಲ
ಕಂಡ ಕನಸೆಂದೆಂದು ಮಧುರ ||

ಹಿಂದೆ ತಡೆದವರಿಲ್ಲ,
ಇಂದಿನ ಅರಿವು ಎಮಗಿಲ್ಲ,
ಮುಂದೆ ತಡೆಯುವರಿಲ್ಲ,
ಕನಸು ನಿನ್ನದು ಗೆಳೆಯ,
ಕನಸ ಕಾಣಲು ಬೇಕಿಲ್ಲ ಕಾಸು,
ಸವಿಯ ಸವಿಯಲು ಮಾತ್ರ ಕನಸು
ಕನಸೇ ಜೀವನವಲ್ಲ
ಕಂಡ ಕನಸೆಂದೆಂದು ಮಧುರ ||

ಕಣ್ಣು ...

2011-12-23T17:06:00.002+05:30

ಪದವೇ, ಪದವಿಯೇತಕೆ ಬೇಕೇ
ಪ್ರೀತಿ ಪಾರಾಯಣಕೆ?
ನೀನೊಬ್ಬಳೆ ಸಾಕು, ಪದಗಳ ರಾಶಿ
ಅಡಗಿರಲು ನಿನ್ನ ಕಂಗಳಲಿ ||

ಕಣ್ಣನೋದುವ ಕಲೆಯ
ಅರಿತಿರುವ ಪದವೇ,
ಸಪ್ತ ಸಾಗರಗಳೆ
ಉಬ್ಬು ತಗ್ಗುಗಳು ನಿನ್ನ ಕಂಗಳಲಿ ||

ಕಪ್ಪು ಬಿಳುಪುಗಳೆರಡು
ಬರಿಯ ಬಣ್ಣಗಳಲ್ಲ,
ಕಪ್ಪು ಬಿಳುಪುಗಳೇ
ಹಗಲು ರಾತ್ರಿಗಳೆನಗೆ ನಿನ್ನ ಕಂಗಳಲಿ ||

ಹುಸಿಮುನಿಸು...

2011-12-21T12:45:00.003+05:30

ಅನಿಸುತಿದೆ ಏಕೋ ಗೆಳತಿ
ಹುಸಿಮುನಿಸು ನಿನ್ನದೆಂದು,
ಮತ್ತೆ ಮತ್ತೆ ನೋಡಬೇಕೆನಿಸಿದೆ
ಆ ನಿನ್ನ ಹುಸಿನಗುವನಿಂದು||

ತಡಮಾಡದೆ ಬಾ ಗೆಳತಿ
ಮಿಲನ ಮಹೋತ್ಸವಕೆಂದು,
ಗೌರಿಶಂಕರವೀವಿರಹ ತುಡಿಯುತಿದೆ
ತುದಿಗಾಲಲಿ ನಿನ್ನ ಸೇರಲೆಂದು||

ಒಂದು ಮಧುರ ಕ್ಷಣದಿ
ಎಂದೂ ಕಾಣದ ಚಿತ್ತಾರ,
ಕಂಡೆ ನಾ ಎನ್ನಂತರಂಗದಿ
ಹುಸಿಮುನಿಸ ಮುರಿಯೆಲೆ ಮುದ್ದು ಗೆಳತಿ||

ಸರಸ ವಿರಸಗಳೆರಡು
ಒಲವ ಅವಳಿಗಳು,
ಉಳಿದ ತೊಳಲಾಟಗಳು
ಸುಮಧುರ ಕೋಮಲ ಕುಸುಮಗಳು
ಹುಸಿಮುನಿಸ ಮುರಿಯೆಲೆ ಮುದ್ದು ಗೆಳತಿ||

ಏಕಾಂತ...

2011-12-20T14:36:00.001+05:30

ಬೆಳದಿಂಗಳ ನಡು ರಾತ್ರಿಯಲಿ,
ನಿನ್ನ ನಡುವಿನ ಮಡಿಲಲ್ಲಿ,
ನಡುವೆ ಅಂತರವಿಲ್ಲದೆ
ಏಕಾಂತದಲ್ಲಿ ನಾನು-ನೀನು||

ಆಗಸದ ತಾರೆಗಳು ಬೆರಳ ತುದಿಯಲ್ಲಿ,
ಒಣಗಿದೆಲೆಗಳ ಮೃದು ಹಾಸಿನಲ್ಲಿ,
ತಂಗಾಳಿ ತಲೆದೂಗಿಸುವ ಬಿಸಿಯುಸಿರ ಶಾಖದಲಿ,
ಹರಿವ ನೀರಂತೆ ಬಳುಕುವ ನೀರೆ
ಏಕಾಂತದಲ್ಲಿ ನಾನು-ನೀನು||

ಕರಗುವ ಮುಂಜಾನೆ ಮಂಜಲ್ಲಿ,
ಕರಗಿರುವೆ ನಾನು ನಿನ್ನಲ್ಲಿ,
ಸವಿಯುವ ನಿನ್ನೊಲವ ಸವಿಯಲ್ಲಿ,
ಇಡೀ ವಿಶ್ವ ಮರೆಯುವೆ, ಮರೆಸುವೆ
ಏಕಾಂತದಲ್ಲಿ ನಾನು-ನೀನು||

ಏಕಾಂಗಿಯ ಏಕಾಂತ...

2011-12-20T14:24:00.003+05:30

ಹಸಿರ ಕಾನನದ ನಡುವಲ್ಲಿ,
ನಟ್ಟ ನಡು ರಾತ್ರಿಯಲಿ,
ಮೈ ಕೊರೆವ ಚಳಿಯಲ್ಲಿ,
ಬಿರುಗಾಳಿಯ ಅರಿವಿಲ್ಲ ಗೆಳತಿ,
ಏಕಾಂಗಿಯ ಏಕಾಂತದಲ್ಲಿ||

ತಾರೆಗಳ ಎಣಿಸುವು ಖುಷಿಯಿಲ್ಲ,
ಒಣಗಿದೆಲೆಗಳ ಶಬ್ದ ಹಿತವಿಲ್ಲ,
ಮಿತವಾಗಿ ಬೀಸುತಿಹ ತಂಗಾಳಿ ತಂಪಿಲ್ಲ,
ಹರಿವ ನದಿ ನೀರಾಗಿ ಉಳಿದಿಲ್ಲ ಗೆಳತಿ,
ಏಕಾಂಗಿಯ ಏಕಾಂತದಲ್ಲಿ||

ಮುಂಜಾನೆ ಮಂಜು ಕಾರುತಿದೆ ಕಾವು,
ನೆನಪುಗಳ ನೆನದ ಮನಕೆ ನೋವು,
ನಿನಗಾಗಿ ಕಾದ ಸೂರ್ಯೋದಯಗಳೆಲ್ಲ ಕಹಿಬೇವು,
ನಿದ್ರೆಗಳಿಲ್ಲದ ರಾತ್ರಿ, ದೇಹ ಬಯಸಿದೆ ಸಾವು, ಗೆಳತಿ,
ಏಕಾಂಗಿಯ ಏಕಾಂತದಲ್ಲಿ||

ಸವಿ...

2011-12-20T14:22:00.002+05:30

ಕಡಲ ತಡಿಯಲಿ ಕಾದಿರುವೆ ಗೆಳತಿ,
ಓಡೋಡಿ ಬಂದು ಎನ್ನ ಅಡಿಗೆರಗದೆ,
ಎದೆಗಪ್ಪಿ ಕೂರುವೆಯಾ ಒಮ್ಮೆ ನೀನು...??

ಬೆಳದಿಂಗಳಿರುಳಲ್ಲಿ, ತಿಳಿಯ ತಂಗಾಳಿ,
ಕಡಲ ಅಲೆಗಳ ತೆಳು ಸ್ಪರ್ಶದಲಿ,
ಕೈ ಹಿಡಿದು ನಡೆಯುತಾ,
ಒಲವ ಸವಿಯೋಣ ಒಲವ ಒಡತಿ...

ದಡದ ಮಡಿಲಲ್ಲಿ,
ಮಡಿಗೊಂಡ ಬಗೆಯಲ್ಲಿ,
ಅಡಿಗಡಿಗೆ ಹೊರಳಾಡಿ,
ಏಕಾಂತ ಸವಿಯೋಣ ಗೆಳತಿ... :)

ಮನಸ್ಸು...

2011-05-31T16:46:00.001+05:30

ನಿನ್ನಂತರಂಗವನು
ನೋಡಲೆನಗಿಲ್ಲ ದಿವ್ಯ ದೃಷ್ಟಿ,
ಆ ದೇವನು ಕೂಡ
ಅರಿಯಲಸಾಧ್ಯ ಹೆಣ್ಣಿನಮನ,
ಬಡ ಜೀವ ನಾನು, ಹೇಗೆ ಅರಿಯಲೇ ಗೆಳತಿ ನಿನ್ನ ಮನಸ್ಸು???

ಮತ್ಸ್ಯ ಕನ್ಯೆಯೇ ನೀನು?
ಹಿಂಬರುವೆ ಬಾಲೆ ನಿನ್ ಹೆಜ್ಜೆ ಹಿಡಿದು,
ಸರ್ಪ ಕನ್ಯೆಯೇ ನೀನು?
ಚಿತ್ತಾರ ಬಿಡಿಸುವೆ ನಿನ್ ಹೆಜ್ಜೆಯಲಿ ನಡೆದು,
ವೃಕ್ಷ ಕನ್ಯೆಯೇ ನೀನು?
ಸೇರುವೆ ನಿನ್ನ ಗಾಳಿಯ ದಿಕ್ಕಲಿ ನಡೆದು,
ಏನೆಲ್ಲಾ ಮಾಡಿದರು ಅರಿಯಲಾರೆನು ಗೆಳತಿ ನಿನ್ನ ಮನಸ್ಸು||

ಕಾಮಧೇನುವೆ ನೀನು?
ಕಾಮಿಸುವೆ ಒಂದು ವರ ಮನದೆ ನೆನೆದು,
ಸಿಂಹಿಣಿಯೆ ನೀನು?
ಮೃಗಾರಾಜನಾಗುವೆನು ನಿನ್ನೆಡೆಗೆ ಬಂದು,
ಕೋಗಿಲೆಯೆ ನೀನು?
ಕವಿಯಾಗಿ ಬೆರೆಸುವೆ ರಾಗದೊಂದಿಗೆ ಪದವ ಬರೆದು,
ಏನೆಲ್ಲಾ ಮಾಡಿದರು ಅರಿಯಲಾರೆನು ಗೆಳತಿ ನಿನ್ನ ಮನಸ್ಸು||

ಉಸಿರು...

2011-05-30T17:14:00.000+05:30

ಬೆಳದಿಂಗಳಿರುಳಲ್ಲಿ, ಬೆಳ್ಳಿ ಮೋಡದ ಅಂಚಿನಲ್ಲಿ|
ತೆಳುಗಾಳಿ ಸುಳಿದಿರಲು ಹಿತವಾದ ಧರಣಿಯಲಿ||
ತಿಳಿ ಹಾಲ ಸಾಗರದಿ ಏರಿಳಿವ ಅಲೆ ಅಲೆಯಲಿ|
ನಿನ್ನೊಲುಮೆಯ ಸವಿಯ ಸವಿದೆ ಗೆಳತಿ..||

ಹುಚ್ಚು ಹಿಡಿಸುವ ಆ ನಿನ್ನ ಕಣ್ಣುಗಳು|
ಕಿಚ್ಚು ಹೊತ್ತಿಸಿದೆ ಮನದ ಮನೆಯೊಳಗೆ||
ಕೊಚ್ಚಿ ಹಾಕಿದೆ ಇನ್ನೋರ್ವ ಬಾಲೆಯ ಬಯಕೆ,
ಹಚ್ಚ ಹಸಿರನೆ ತೊಟ್ಟ ಬೆಡಗಿ|
ನಿನ್ನೊಲುಮೆಯ ಬಯಸಿ ಕಾದಿರುವೆ ಬಾರೆ ಗೆಳತಿ..||

ಮನದಾಳಾದೊಳಗೆ, ಅಡಿಯಿಂದ ಮುಡಿವರೆಗೆ|
ಕಣ್ಣೀರ ತೆರೆಯೊಳಗೆ, ಎದೆ ಬಡಿವವರೆಗೆ||
ನುಡಿಮುತ್ತಿನೊಳಗೆ, ಉಸಿರಿರುವವರೆಗೆ|
ನಿನ್ ಹೆಸರ ಬಿಗಿದಿಡುವೆ ಓ ಪ್ರೀತಿ!! ನೀ ನನ್ನ ಒಡತಿ...||

ನಲ್ಲೆ...

2011-01-20T17:21:00.000+05:30

ಇಲ್ಲೆ ಎಲ್ಲೊ ಇರುವೆ ನೀನು,
ಒಲ್ಲೆ ಎಂದ ಬಡವ ನಾನು,
ಎಲ್ಲೆ ಇರದ ಪ್ರೀತಿಯನ್ನು
ನಲ್ಲೆಯಾಗಿ ತಂದೆ ನೀನು,
ಒಮ್ಮೆಯಾದರೂನೂ ಮತ್ತೆ ನೀನು ಎದುರು ಬಾರೆಲೆ....

ಬೆಲ್ಲದಂತ ನಿನ್ನ ಮನದೆ,
ಬಳ್ಳಿಯಂತ ಪ್ರೀತಿ ಬರೆದೆ,
ಕಲ್ಲಿನಂತೆ ಕಠಿಣನಾದೆ,
ಎಲ್ಲಿ ಹೋದೆ ಗೆಳತಿ ನೀನು ನನಗೆ ಹೇಳದೆ,
ಒಮ್ಮೆಯಾದರೂನೂ ಮತ್ತೆ ನೀನು ಎದುರು ಬಾರೆಲೆ....

ಅಲ್ಲಿ ಇಲ್ಲಿ ಅಲೆವ ಮನವ,
ಇಲ್ಲೇ ತಡೆದು ಹಿಡಿದೆ ನಾನು,
ಕಳ್ಳನಾಗಿ ನಿಲ್ಲಲಾರೆ
ಮಳ್ಳ ಮನವ ಉಳಿಸಲಾರೆ
ಚೆಲ್ಲಿ ನಿನ್ನ ಮುಗ್ದ ನಗುವ,
ಒಮ್ಮೆಯಾದರೂನೂ ಮತ್ತೆ ನೀನು ಎದುರು ಬಾರೆಲೆ....

ನೀನೆ...

2011-01-05T22:26:00.001+05:30

ನಿರಾಭರಣ ಸುಂದರಿಯೆ,
ನಿರ್ವಸ್ತ್ರ ಧಾರಿಣಿಯೆ,
ನಿರುಪಮ ಚೆಲುವೆಯೆ,
ನಿರ್ಜೀವವಾಗುತಿಹೆ ಜೀವ ಉಳಿಸೆ...

ಅಸಮಾನ ಸುಮತಿಯೆ,
ಅನುಪಮ ವಾಚಾಳಿಯೆ,
ಅನಿಯತ ಕೌಮಾರಿಯೆ,
ಅನವರತ ನೆನೆಯುತಿಹೆ ನನ್ನ ಉಳಿಸೆ...

ಸುರಲೋಕ ಬಾಲಿಕೆಯೆ,
ಸರ್ವಗುಣ ಸಂಪನ್ನೆ,
ಸುಪ್ತಮತಿ ಶ್ರೀಮತಿಯೆ,
ಸರ್ವಸ್ವ ನೀನಾಗಿರುವೆ ಬಂದು ಉಳಿಸೆ...

ಮಿತಿ...

2010-12-16T10:50:00.001+05:30

ಮತಿ ಹೀನ ನಾನಾದೆ ಒಲವೆ,
ನಿನ್ನ ಒಲವಿನ ಮಿತಿಯ ಮರೆತು,
ಇನ್ಯಾರೆ ಗತಿ ನನಗೆ ಒಲವೆ,
ನೀನಿರದ ಈ ಕ್ಷಿತಿಯ ಮಿತಿಯ ಒಳಗೆ...

ಬಿರುಗಾಳಿ ಬೀಸುತಿದೆ ಮನದೊಳಗೆ,
ತನ್ನ ತಾಳ್ಮೆಯ ಗತಿಯ ಮೀರಿ,
ತಂಗಾಳಿಯಾಗಿ ನೀನೆಂದು ಬರುವೆ
ಎನ್ನ ಒಲುಮೆಯನು ಬಯಸಿ,
ನಿನಗಾಗಿ ಕಾದಿರುವೆ ಈ ಕ್ಷಿತಿಯ ಮಿತಿಯ ಒಳಗೆ...

ಸುಡುತಿರುವ ಬೆಂಕಿಯನು ಸಹಿಸಲಾರೆನು ಒಲವೆ,
ಚ್ಯುತಿಗೊಳಿಸೆ ಬೆಂಕಿಯ ಸ್ಥಿತಿ
ಸ್ವಾತಿ ಮಳೆಯನು ಸುರಿಸಿ,
ಮತಿಯ ಗತಿ ಬದಲಿಸುವ ವಿಸ್ಮಯ ಶಕ್ತಿ,
ಸ್ತುತಿ ಮಾಡಿ ಕಾದಿರುವೆ ಈ ಕ್ಷಿತಿಯ ಮಿತಿಯ ಒಳಗೆ...

ಮುಗ್ದ ಮಂದಹಾಸ...

2010-12-08T10:41:00.001+05:30

ಉದ್ದ ಮೊಗದ ಮುಗ್ದೆ ಯಾರೆ?
ಮುದ್ದು ಮಂದಹಾಸ ತೋರೆ,
ಮದ್ದು ಗುಂಡು ಬೇಡ ಬಾರೆ,
ಮುಗ್ದ ಮಂದಹಾಸ ಸಾಕೆ
ಮುದ್ದು ಮನಸ ಕೊಲ್ಲಲು...

ಪೆದ್ದನಾಗಿ ಬಿದ್ದೆನಲ್ಲೆ,
ಗುದ್ದಿಯಾದರೂನೂ ಕೊಲ್ಲೆ,
ಗೆದ್ದ ಮನವ ಅಳಿಸಲೊಲ್ಲೆ,
ಮುಗ್ದ ಮಂದಹಾಸ ಸಾಕೆ
ಮುದ್ದು ಮನಸ ಕೆಡಿಸಲು...

ಒದ್ದೆ ಮೈಗೆ ಚಳಿಯ ಹಾಳೆ,
ಎದ್ದು ಬಿದ್ದು ಬಂದೆ ಕೇಳೆ,
ಕದ್ದು ನೋಡೋ ಆಟ ನಿಲಿಸಿ
ಜಿದ್ದನೆಲ್ಲ ಮರೆಗೆ ಸರಿಸಿ,
ಮುಗ್ದ ಮಂದಹಾಸ ತೋರೆ
ಮುದ್ದು ಮನಸನುಳಿಸಲು....

ಮುದ್ದು ಮನಸು...

2010-11-29T14:21:00.000+05:30

ಎಳೆ ಎಳೆಯಾಗಿ ಹೆಣೆದ,
ಎಳೆ ಮೊಗದ ನಿನ್ನಂದ,
ಇಳೆ ಮೇಲೆ ಕಂಡಾಗಿನಿಂದ,
ಅಲೆ ಅಲೆಯಾಗಿ ನುಲಿದಾಡುತಿದೆ ಈ ಮುದ್ದು ಮನಸು..

ಎಲೆ ಮೇಲಿನ ನೀರ ಬಿಂದು,
ತಿಳಿ ಮೊಗದಲಿ ಕಂಡೆ ಅಂದು,
ಹೊಳೆಯುತಲಿರುವ ನಿನ್ ಕಣ್ಣ ಕಂಡು,
ಅಲೆ ಅಲೆಯಾಗಿ ನುಲಿದಾಡುತಿದೆ ಈ ಮುದ್ದು ಮನಸು..

ಚಳಿ ರಾತ್ರಿಯಲಿ ಚಂದಿರನ ಕಂಡು,
ಬಿಳಿ ಹಾಲ ಹೊಳೆಯಲ್ಲಿ ಮಿಂದು,
ಬಳೆಗಳ ಸದ್ದಲಿ ಹದವಾಗಿ ಬೆಂದು,
ಬೆಳಗಾಗಲೆದ್ದು ಮೊಗವ ಮತ್ತೆ ಕಂಡು,
ಅಲೆ ಅಲೆಯಾಗಿ ನುಲಿದಾಡುತಿದೆ ಈ ಮುದ್ದು ಮನಸು..

ಚುಕ್ಕಿ...

2010-11-23T19:15:00.000+05:30

ಕತ್ತಲೆ ರಾತ್ರಿಯಲಿ,
ಮೆತ್ತನೆ ಸುಳಿದಾಡಿದೆ ಗೆಳತಿ,
ಹೊತ್ತು ಮುಳುಗಿದರೂ,
ಮತ್ತೆ ಮತ್ತೇಕೆ ಮಿನುಗುವೆ ನೀ ಚುಕ್ಕಿಯಂತೆ...

ಬೆತ್ತಲೆ ಬಾನಿನಲಿ,
ಎತ್ತ ನೋಡಲೇ ಗೆಳತಿ?
ಕತ್ತು ಬಾಗದು ಕೆಳಗೆ ಹೊತ್ತು ಹತ್ತಾದರೂ,
ಮತ್ತೆ ಮತ್ತೇಕೆ ಮಿನುಗುವೆ ನೀ ಚುಕ್ಕಿಯಂತೆ...

ಕಿತ್ತಳೆ ತೋಟದಲಿ,
ಸುತ್ತ ಅಲೆದಾಡಿದೆ ಗೆಳತಿ,
ಚಿತ್ತಾರ ಬಿಡಿಸಿದ್ದೆ ನೀ ನನ್ನ ನೆತ್ತಿ ಮೇಲೆ,
ಮತ್ತೆ ಮತ್ತೇಕೆ ಮಿನುಗುವೆ ನೀ ಚುಕ್ಕಿಯಂತೆ...

ಮೌನ...

2010-10-28T12:10:00.000+05:30

ಕರೆದು ಕೆರದಾಗ್ ಹೊಡ್ದಾಂಗ್ ಕೇಳು,
ನೀನು ಕ್ರೂರ ಪ್ರಾಣಿ||
ತಲೆ ಕೆರ್ಕೊಂಡ್ ಕೂತ್ಕೊಂಡಿದ್ರೆ,
ನೀನೆ ಪರಮ ಜ್ಞಾನಿ||

ಮಾಡಿದ್ ತಪ್ಪು ಅಂತ್ಹೇಳಿದ್ರೆ,
ಬೀಳ್ತಾವ್ ಮೆಟ್ನಾಗ್ ಏಟು||
ತಪ್ಪೇನಿಲ್ಲಾಂತ ತೆಪ್ಪಗಿದ್ರೆ
ಆಹಾ!! ನೋಟೆ ಇಲ್ದೇ ವೋಟು||

ಮಾತು ಮನೆ ಕೆಡ್ಸುತ್ತಾಂತ
ಗೊತ್ತಿದ್ರೂನೂ, ಬೇಕೋ ನಿಂಗೆ ಮಾತು??
ಏನು ನಿಂಗೆ ಗೊತ್ತಿಲ್ಲಾಂತ, ನಿನ್ನ ಬಾಯ್ನ
ಮುಚ್ಕೊಂಡಿದ್ರೆ, ಮುಚ್ಕೊತಾವೆ ತೂತು.....

ಹುಸಿಯಾದೆ ನೀನು...

2010-10-22T12:13:00.000+05:30

ನೀರಲೆಯ ನೊರೆ ಮೇಲೆ ಮೆಲ್ಲ-ಮೆಲ್ಲನೆ ನಡೆವೆ,
ನೂರಾರು ಸಾಲುಗಳ ಒಂದೇ ಮಾತಲಿ ನುಡಿವೆ,
ಇನ್ಯಾರು ಬಂದರು ನಮಗಿಲ್ಲ ಇಂದು-ನಾಳೆಯ ಗೊಡವೆ,
ಕಣ್ಣೀರು ಸುರಿಸದಿರು ಉಳಿಸು ನನ್ನ, ಓ ಒಲವೆ,
ಹುಸಿಯಾದರೂ ನೀನು ಗೆಳತಿ, ಹಸಿ ಪ್ರೀತಿಯನೆ ನಾನು ಕೊಡುವೆ.

ಊರೆಲ್ಲ ಅಲೆದರು, ಮನದಲ್ಲಿ ನಿನ್ನ ಜಪ ಒಲವೆ,
ಕರೆಯಲ್ಲೂ ನೀನಿರುವೆ, ಕಾರಣವು ನಿನ್ನ ನಡುವೆ?
ಕೊರಳಲ್ಲೆ ಉಳಿದಿರುವೆ, ಕೋಪವಿರುವುದೆ ನಮ್ಮ ನಡುವೆ?
ಕರುಣೆಯಲೆ ಕನಿಕರಿಸೇ, ಮನದಾಳದಿಂದ ನಿನ್ನ ಕರೆವೆ,
ಹುಸಿಯಾದರೂ ನೀನು ಗೆಳತಿ, ಹಸಿ ಪ್ರೀತಿಯನೆ ನಾನು ಕೊಡುವೆ.

ನೀರಲೆ...

2010-10-21T14:15:00.000+05:30

ನೀರಲೆಯ ಮೇಲೆ ನಡೆವ ಓ ನೀರೆ,
ನನ್ನೆಡೆಗೆ ನಡೆದು ನೀ ಬಾರೆ,
ಎಳೆಬಳ್ಳಿ ಕಟಿಯ ಓ ಚೆಲುವೆ,
ನಿನ್ನೆಡೆಗೆ ಸೆಳೆದೆ ನನ್ನೊಲವೆ,
ಸರ ಸರನೆ ಇತ್ತಕಡೆ ಜಾರಿ,
ನನ್ನೆಡೆಗೆ ಒಲಿದು ನೀ ಬಾರೆ.

ಸುರನರರ ಮರೆಸುವ ಚೆಲುವೆ,
ಸುರಪಾನದಾ ಮತ್ತನೀನಳಿಸುವೆ,
ಹುಸಿಯಾಟ ಆಡದಿರು ನೀ ಒಲವೆ,
ಬಿಸಿನೋಟ ಯಾಕೆ? ಸಾಕು ನಿನ್ ನಗುವೆ
ಸರ ಸರನೆ ಇತ್ತಕಡೆ ಜಾರಿ,
ನನ್ನೆಡೆಗೆ ಒಲಿದು ನೀ ಬಾರೆ.

ಅನ್ನ-ಹೊನ್ನು-ಮಣ್ಣು...

2010-10-19T10:30:00.000+05:30

ಹುಡ್ಕೋಂಡ್ ಹೋದೆ ಚಿಲ್ಲಿ ಚಿಕನ್ನು,
ಸಿಕ್ಕಿದ್ ಮಾತ್ರ ಖಾಲಿ ಬನ್ನು,
ಹೊಟ್ಟೇನ್ ಸೇರಿತ್ತ್ ಅವನ ಬೆನ್ನು,
ಕೊನೆಗ್ ಎಲ್ಲರೂ ಸೇರೋದ್ ಮಣ್ಣು,

ಉಣ್ಣೋಕೆ ಬೇಕಾ ಅಷ್ಟೊಂದ್ ಹೊನ್ನು?
ಬದ್ಕೋಕ್ ಬೇಕಾದಷ್ಟು ತಿನ್ನು,
ಸತ್ಯ ನೀನು ತಿಳ್ಕೊ ಗೆಳೆಯ,
ಕೊನೆಗ್ ಎಲ್ಲರೂ ಸೇರೋದ್ ಮಣ್ಣು......

ತನುವ ಬಿಸಿ...

2010-10-07T08:57:00.001+05:30

ಅರಿತು ಬಾಳುವ ಒಂದು ಮುಗ್ದ ಜೀವ!
ಮರೆಸುವುದು ಮನದ ಎಲ್ಲ ನೋವ,
ತಣಿಸುವುದು ತನುವ ಬಿಸಿಯ ಕಾವ,
ಖುಷಿಯಲೇ ಕುಣಿಸುವುದು ಈ ಮುದ್ದು ಮನವ...

ಸವಿ-ಮಾತು...

2010-09-28T14:32:00.000+05:30

ಗೆಳತಿ ನಿನ್ನ ಆ ಒಂದು ಮಾತು,
ಮತ್ತೆ ಉಸಿರ ಹರಿಸಿತು
ಜೀವಕೆ, ನೆನಪಿಸಿತು
ಒಮ್ಮೆ ಸೋತು ಆಡಿದ ಮಾತು,
ಎನ್ನೊಲುಮೆಗೆ ಬಂದು ಕೊಡುವೆಯ ಸವಿ, ಮುತ್ತು?
ನುಡಿಯೆಲೇ ಗೆಳತಿ ಆ ಒಂದು ಸವಿ-ಮಾತು,
ಮನದ ವೇದನೆಯ ಅರಿತು, ಮನದೊಳಗೆ ನೀ ನೆಲೆ ನಿಂತು....

ಜೊತೆ ನಡೆವೆಯಾ???

2010-09-13T14:42:00.000+05:30

ನನ್ನೊಲುಮೆಯ ವೀಣೆ ತಂತಿಯ,

ಮಿಡಿಸದೆ ನಲ್ಲೆ ಮುರಿದೆಯಾ??

ಹಿತವಾದ ನನ್ನ ಒಲುಮೆಯಾ,

ಮಿತವಾಗಿ ನುಡಿದು ಮರೆತೆಯಾ??

ತಿಳಿಯಾದ ಈ ನನ್ನ ಪ್ರೀತಿಯ,

ಅಳಿಸಿ ನೀ ಮುಂದೆ ನಡೆದೆಯಾ??

ಒಂದೇ ಬಯಕೆ ಗೆಳತಿ ಅರಿವೆಯಾ??

ಕೊನೆವರೆಗೂ ಜೊತೆ ನಡೆವೆಯಾ??

ಕವನ...

2010-08-31T08:56:00.000+05:30

ಗೀಚಿರೋದು ನಾಲ್ಕೇ ನಾಲ್ಕು ಕವನ,
ಒಂದೊಂದೂ ಮರೆಸಿದೆ ಏಕಾಂಗಿ ಜೀವನ,
ಸಹಜ ಸಾಲುಗಳೇ ನಿಮಗೆ ನಮನ,
ತೆಗಳಿಕೆಯ ಮಾತುಗಳು ಕಲಕುವುದು ಮನ,
ಮತ್ತೆ ತೆಗಳುವು ಮುನ್ನ, ಇರಲಿ ಇತ್ತಕಡೆ ಗಮನ...

ಆಕೆ - ಓಕೆ

2010-08-24T09:59:00.000+05:30

ಆಕೆ, ಓಕೆ,
ಹತ್ತಿರ ಹೋದೆ ನೋಡೋಕೆ,
ಕೈಯಲ್ಲಿ ಕಂಡಿತು ಕಸಪೊರಕೆ,
ನನಗನ್ನಿಸಿತು, ಈ ಮಾರಿ ಬೇಕೇ?
ಆಕೆ ಓಕೆ, ಆದ್ರೂ ನಮ್ಗೆ ಈ ಆಕೆ ಯಾಕೆ ಯಾಕೆ???

ಶರ್ಟು-ಪ್ಯಾಂಟು

2010-08-05T17:43:00.001+05:30

ಮೇಲ್ ಬ್ಲಾಕ್ ಇದ್ರೆ, ಕೆಳಗೆ ಯಾವ್ದಾದ್ರು ಓಕೆ..

ಕೆಳಗೆ ಬ್ಲಾಕ್ ಇದ್ರೆ, ಯಾವ್ ಮೇಲ್ ಆದ್ರು ಓಕೆ....

ಅರಿವು...

2010-07-01T16:41:00.002+05:30

ಏಕೋ ಕೋಲಾಹಲ, ಏನೋ ಕುತೂಹಲ,
ಮನ ಮಿಡಿದಿದೆ ಮನಸೆ ವಿಲ-ವಿಲ,
ಸೆಳೆವು ನಿನ್ನೆಡೆ ಗೆಳತಿ ಪ್ರತಿಸಲ,
ನಾಚಿ ನೀರಾದೆ ನೀ ಒಂದ್ಸಲ,
ಮರೆತು ಬಾಳುವುದು ಗೋಳು ನೀ ಅರಿಯಲ||

ಅರಿತು ಅರಿಯೆನು ಚಿತ್ತ, ನಿಜ ನುಡಿಯಲ?
ಒಲವನೀಕಡೆ ಹರಿಸೆ ಸವಿ ಉಣಿಸಲ?
ಹನಿ ಹನಿ ಪ್ರೀತಿ ಮಳೆ ಒಮ್ಮೆ ಸುರಿಸಲ,
ಮರೆತು ಬಾಳುವುದು ಗೋಳು ನೀ ಅರಿಯಲ||

ಮಳೆ...

2010-06-04T12:57:00.001+05:30

ಸುರಿ ಸುರಿವ ಮಳೆಯಲ್ಲಿ, ಸರ ಸರನೆ ಮುನ್ನುಗ್ಗಿ,
ಭರ ಭರನೆ ಬರುತಿರುವ ಅಶ್ರುಧಾರೆಯ ಅಳಿಸಿ,
ಸುಡು ಸುಡುವ ಎದೆಯ, ಎಡವದೆಲೆ ನಡೆಸಿ,
ಓಡೋಡಿ ಬಂದೆ ಗೆಳತಿ ನಿನ್ನೊಲುಮೆಯೆಡೆಗೆ...

ಚಿಟ-ಪಟ ಜಡಿ ಮಳೆಯಲ್ಲಿ, ಪಟ-ಪಟ ನುಡಿವ ಮಾತಿನಮಲ್ಲಿ,
ಕೆಟ್ಟ ಹಠವನು ಚೆಲ್ಲಿ, ಮುಟ್ಟದೆ ಮನವನು ಗಿಲ್ಲಿ,
ಬೆಟ್ಟದೆತ್ತರದ ಆಸೆ ಚಿಗುರೊಡೆಸಿ, ತೊರೆಯದೆ ಬೆಳೆಸಿ,
ಎತ್ತೆತ್ತಲೋ ಸುತ್ತಿ ಬಂದೆ ಗೆಳತಿ ನಿನ್ನೊಲುಮೆಯೆಡೆಗೆ...

ಜಿನುಗೊ ತುಂತುರು ಮಳೆಯಲ್ಲಿ, ನೆನೆದು ನಿಂತಳು ಮನದಾಳದಲ್ಲಿ,
ತುಸು-ಪಿಸು ಕಂಡ ಮೊಗದ ಮಂದಹಾಸದಲಿ,
ಪಿಸು-ಗುಸು ನುಡಿದ ಮೃದು ಮಾತಿನ ಮೋಡಿಯಲಿ,
ಮುಳುಗಿ ಮರೆಯಾಗಿ, ಮರಳಿ ತೇಲಿ ಬಂದೆ ಗೆಳತಿ ನಿನ್ನೊಲುಮೆಯೆಡೆಗೆ...

ಬೆಸ್ತರ ಹುಡುಗಿ...

2010-06-03T10:32:00.002+05:30

ತುಂತುರು ಮಳೆಯಲಿ ನಿಂತರೆ ಸಾಲದು,
ಅಂತರ ಸಹಿಸದ ಒಂಥರ ಅನುಭವ,
ಹತ್ತಿರ ಬರಲು ಎತ್ತರ ಸಡಗರ,
ಉತ್ತರ ನೀಡೆಲೆ ಬೆಸ್ತರ ಹುಡುಗಿ...

ಅಪರಿಚಿತ...

2010-06-02T18:06:00.003+05:30

ಗೆಳತಿ ನಿನಗೆ ನಾ ಅಪರಿಚಿತ,
ನಿನ್ನ ಪ್ರೀತಿಯಲಿ ನಾ ಪರೀಕ್ಷಿತ,
ಮನದೊಲುಮೆಯ ಮಿತಿ ಅಪರಿಮಿತ,
ಒಮ್ಮೆ ತಿರುಗಿಸೆ ಬೆಡಗಿ ನಿನ್ನ ಚಿತ್ತ,
ಸದಾ ದೃಷ್ಟಿಸಬೇಕಿಲ್ಲ ಚಿತ್ತ ನನ್ನತ್ತ,

ಎಷ್ಟಾದರೂ ನಿನಗೆ ನಾ ಅಪರಿಚಿತ,
ಕೊಂಚ ದಯಪಾಲಿಸಿ ಪ್ರಿಯೆ ಇತ್ತ,
ಒಂದಾಗಿ ಆಗುವೆ ನಾ ನಿನಗೆ ಪರಿಚಿತ,
ಒಲವ ಸವಿಯ ಸವಿಯೋಣ ಗೆಳತಿ ಜೀವನ ಪರ್ಯಂತ...

ಮೈನು ರೋಡು...

2010-03-29T17:54:00.002+05:30

ನಾನೊಂದು ಮೈನು ರೋಡು,

ನನಗಾಗಿ ನೂರಾರು ಬೋರ್ಡು,

ಬೋರ್ಡು ಬರಿ ಎ ಸಿ ಗೂಡು,

ಕೇಳೋರಿಲ್ಲ ನನ್ನ ಪಾಡು,

ನಾನೇ ನಿಮ್ಮ ಹೊಂಡದ ರೋಡು...

ನೋವ ನರಕ

2010-03-28T17:29:00.002+05:30

ಮುದ್ದು ನಗೆಯ ಮೆಲ್ಲ ಚೆಲ್ಲಿ,
ಕದ್ದು ಹೋದೆ ಮನವ ಕಳ್ಳಿ,
ಅಂದದರಸಿ ಮೊಗವು ಬೆಳ್ಳಿ,
ಆದರವಳು ಹುಟ್ಟು ಸುಳ್ಳಿ,
ಕಾಣದಾದಳು, ನನ್ನ ಚಿತೆಗೆ ತಳ್ಳಿ,
ನೋವ ನರಕದೊಳಗೆ ತಳ್ಳಿ...

ಮೆಂಟಲ್ ಮನಿ...

2010-03-28T16:48:00.002+05:30

ನನ್ನ ಗೆಳ್ತಿ ಒಂದ್ ಚೂರ್ ದದ್ದಿ,
ಅವಳ್ನ ನಾನು ತಿದ್ದಿ ತಿದ್ದಿ,
ಖಾಲಿಯಾಯ್ತು ನನ್ನ ಬುದ್ಧಿ,
ಮನಿ ಮನ್ಸು ಶುದ್ಧಿ ಶುದ್ಧಿ,
ಊರ್ನಾಗಾಯ್ತು ದೊಡ್ ಸುದ್ದಿ,
ಕೊನೀಗ್ ಮೆಂಟಲ್ ಮನೀನಾಗ್ ಬಿದ್ದಿ..

ವೋಟು-ಏಟು...

2010-03-25T22:54:00.001+05:30

ನಿಮ್ಮ ಒಂದೇ ಒಂದು ವೋಟು,
ಅದು ತುಂಬಾ ತುಂಬಾ ಗ್ರೇಟು,
ಬೀಳ್ತಾವ್ ಧರ್ಮದ ಏಟು,
ಕೊಡೋಕ್ ಬಂದ್ರೆ ನೋಟು...
ಹುಷಾರ್, ಇದು ನನ್ನ ವೋಟು...

ಬಿರುಗಾಳಿ...

2010-03-22T23:40:00.000+05:30

ತುದಿಗಾಲಲಿ ನಿಂತವಗೆ ತೂರಿಬಂದ ತಂಗಾಳಿ,

ತನುವೆಲ್ಲವ ತಂಪಾಗಿಸಿದೆ ನೀ ಸಿಹಿಗಾಳಿ,

ತನುವಿನವನ ಮನ ಮಿಡಿಸಿದ ಮೆಲುಗಾಳಿ,

ಮಿಡಿವ ಮನದ ದಗೆಯೇರಿಸಿದ ಸುಡುಗಾಳಿ,

ಮನ ಮಿಡಿಸಿದ ಮನದನ್ನೆಯ, ಮನದೊಲುಮೆಗೆ

ತರದೆ, ದೂರದೂರಿಗೆ ಸರಿಸಿದೆ ನೀ ಬಿರುಗಾಳಿ....

ಬಿಳಿ ಟೋಪಿ

2010-03-22T09:48:00.000+05:30

ತಲಿ ಮ್ಯಾಲ ಬಿಳಿ ಟೋಪಿ,

ಮೋಸ ಮಾಡೋ ಪಾಪಿ,

ಮಾತ್ಗೆ ನಿಂತ್ರ ಮೂರ್ತರೂಪಿ,

ಮನ್ಸು ಕರಾಳ ಕುರೂಪಿ....

ಕಾರು-ಬಾರು

2010-03-19T14:17:00.002+05:30

ವಾಹ್-ವಾಹ್ ಸೂಪರ್ ಕಾರು,

ಡ್ರೈವರ್ ಹಾಕಿತ್ತು ಬೀರು,

ಮಲ್ಗಿತ್ತು ಫುಲ್ ಊರು,

ಮಿತಿ ದಾಟಿತು ಕಾರಿನ ಕಾರುಬಾರು,

ಮಿತಿಯಲ್ಲಿ ಮಲ್ಗಿದ್ದವರ ಜೀವ ಏರಿತು ಬಿದಿರ ತೇರು...

ಸಂದಿ ಸೀಟು

2010-03-18T11:35:00.000+05:30

ಮುಂದೆ ಸೀಟಲಿ ಮೆತ್ತಗೆ ಕುಳಿತ ಮುಗುದೆ,

ಹಿಂದೆ ಸೀಟಿನ ನನ್ನಲಿ ಏಕೆ ತಗಾದೆ,

ಸಂದಿ ಸೀಟಿಗೆ ಮಂದಿ ಮುಂದಿ ಗಲಾಟೆ ತೆಗೆದೆ,

ಹಿಂದೆ ಮುಂದೆ ನೋಡದೆ ಓಡುವುದೆ ಉತ್ತಮ ತಿಳಿದೆ,

ತಿರುಗಿ ನೋಡದೆ ಅಲ್ಲಿಂದ ಮನೆಕಡೆ ನಡೆದೆ...

ಲೇಡಿ-ಕೇಡಿ

2010-03-12T22:46:00.004+05:30

ರೋಡ್ ಮೇಲ್ ಹೊಯ್ತಿತ್ತು ಲೇಡಿ,
ಲೇಡಿ ಹಾಕಿತ್ತು ಚೂಡಿ,
ಲೇಡಿನ ನೋಡ್ದ ಕೇಡಿ,
ಕೇಡಿ ನೋಟ ಸಿಡಿ ಸಿಡಿ,
ಲೇಡಿ ನೋಡಿ ಸಿಡಿ ಮಿಡಿ,
ಕೇಡಿ ತೆಗ್ದ ಬೀಡಿ,
ಲೇಡಿ ಮನಿ ಕಡಿ, ಕೇಡಿ ಮಸಣದ್ ಕಡಿ...

ನಿನಗಾಗಿ...

2010-01-21T16:23:00.000+05:30

ಕಣ್ಣ ಅಂಚಿನಲೆ ಕರೆದವಳೇ,
ಕಣ್ಣ ನೋಟದಲೆ ಕೊಂದವಳೇ,
ಕಣ್ಣ ಬೆಳಕಲೆ ಬಾಳ ಬೆಳಗಿದವಳೇ,
ಕಣ್ಣು ಮರೆಸಿ ದೂರದೂರಿಗೆ ಸರಿದೆಯಲ್ಲೇ?
ಕಾದಿರುವೆ ನಿನಗಾಗಿ||

ನಿನ್ನ ನೋಡುವ ಸಲುವಾಗಿ,
ನಿನ್ನೊಂದಿಗೆ ಒಂದಾಗುವ ಹಿತಕಾಗಿ,
ಕಡೆಯಲಿ ನಿನ್ನಲ್ಲೇ ಮಣ್ಣಾಗುವ ಸಮಯಕ್ಕಾಗಿ,
ಕಾದಿರುವೆ ನಿನಗಾಗಿ||

ಮೊದಲ ನೋಟ ...

2009-08-24T09:15:00.001+05:30

ಮನದ ಕದವ ತಟ್ಟಿದಳೊಮ್ಮೆ ಕಮಲ ನಯನೆ,

ಕಿರಿದು ಕದವದು ಹೊಂದೋಲ್ಲ ನಿನಗೆ, ಹೋಗೆ ಸುಮ್ಮನೆ!!

ಎರಡು ಸಾಲದೆ ನಾಲ್ಕಾಗಿದೆ ಕಂಗಳು, ನೋಡಲು ನಿನ್ನನೆ!!

ಇದನರಿತು ದೂರ ಸರಿಯೇ ಓ ಧವಳೇ ಮೆಲ್ಲನೆ, ತುಸು ಮೆಲ್ಲನೆ.

ದೂರದಿಂದಲೇ ಕಂಡೆನದೇ ದಿನ ನಿನ್ ಕಣ್ಣನೆ,

ಕಣ್ಣಲ್ಲೇ ಕೊಂದೆಯಾ ಕೋಪವ?? ಬಾಲೆ ತಣ್ಣನೆ,

ಬೆಪ್ಪಾದೆನಾಕ್ಷಣ, ಬಿದ್ದೆನಲ್ಲೇ ಕೆಳಗೆ ದೊಪ್ಪನೆ,

ಇಷ್ಟಾದರೂ ನಮ್ಮಿಬ್ಬರ ಜೋಡಿಯಾಶಿವನೊಪ್ಪನೆ?? ಅವನೊಪ್ಪನೆ??

ಮಾಗಿಸಿದೆ ಮರಗಟ್ಟಿದ್ದ ಮನಸಿನ ಹುಣ್ಣನೆ,

ಸದಾ ನೀನೆ ನನ್ನೀ ಜೀವದೊಡತಿ ಕಾಣೆ,

ಇದನೊಪ್ಪದಿರೆ ನೀ, ನಾ ಮಾಡುವೆ ಮುಕ್ಕೋಟಿ ದೇವರಾಣೆ,

ನೀನೆ-ನೀನೆ ನನ್ ಮನದನ್ನೆ, ಮನಸಿನ ಬೆಣ್ಣೆ, ಓ ನನ್ ಚೆನ್ನೆ... :) ;) :)

ಮಿಡಿದ ಹೃದಯ...

2009-07-07T22:08:00.001+05:30

ನಿನ ಓರೆ ನೋಟ

ಕಾದಿರುವ ದೇಹ, ನಂದೆ ತಾನೇ?

ನಿನ ಕಣ್ಣ ಮಾಟ

ಬಯಸಿರುವ ಆಟ, ನಂದೆ ತಾನೇ?

ನಿನ ಕೆನ್ನೆ ಕೆಂಪು

ಹೇಳುತಿಹ ಮಾತು, ನಂಗೆ ತಾನೇ?

ನಿನ ಕೆನ್ನೆ ಗುಳಿಯು

ಕಾಣುತಿಹ ಕನಸು, ನಂದೆ ತಾನೇ?

ನಿನ ತುಟಿಯ ಮಿಡಿತ

ಮಿಡಿಸಿರುವ ಹೃದಯ, ನಂದೆ ತಾನೇ?

ನಿನ ತುಟಿಯ ಸವಿಯ

ಸವಿಯೋ ಸಿಹಿ ಸಮಯ, ನಂದೆ ತಾನೇ?

ನಿನ ಜೀವ ಬೆಂದು

ಬೇಡಿರುವ ಜೀವ, ನಂದೆ ತಾನೇ?

ನಿನ ಮನಸು ನೊಂದು

ಅರಸಿರುವ ಉಸಿರು, ನಂದೆ ತಾನೇ?

ಜಗತ್ಸುಂದರಿ....

2009-06-27T19:09:00.001+05:30

ಕೆಂಡ ಸಂಪಿಗೆ ಮುಂದೆ ಭಂಡ ಧೈರ್ಯವೇ ಮನವೇ?

ಸಡಿಲಾಗಿಸೆ ಗೆಳತಿ ಒಡಲ, ಒಳಗೆ ಬರುವೆ.

ಸಂಜೆ ಕೆಂಪಿನ ರೌದ್ರಕೆ ಅಂಜಿಲ್ಲವೇ ಮನವೇ?

ಬಾಂದಳದ ಭಾರಿ ಅಂಗಳಕೆ ತೇರ ತರುವೆ.

ಮಂದಗಾಮಿನಿ ಮೊಗದೆ ಬೆಂದ ಛಾಯೆಯೇ ಮನವೇ?

ಚಂದದೂರಿಗೆ ಅರಸಿ ತಾಳು ಒಂದೇ ಕ್ಷಣವೆ.

ಅರಳಿದಾನನಕೆ ಕೆರಳಿದಾ ಲೇಪ ಮನವೇ,

ಸರ್ವ ಜಗ ಸುಂದರಿಗೆ ಗರ್ವ ಬರವೇ?

ಭಿತ್ತಿ ಭಿತ್ತಿಯಲಿ ಚಿತ್ತದ ಚಿತ್ರ ಮನವೇ,

ಸಾಟಿಯಾರಿಹರೆ ಘಾಟಿ, ನೀನೆ ವಿಶ್ವ ಚೆಲುವೆ.

ಮೊದಲ ಮಿಲನ...

2009-06-12T10:31:00.001+05:30

ಒಮ್ಮೆ ನಾಟಿತು ನಿನ್ನಲಿ ದೃಷ್ಟಿ ,

ಮುಷ್ಟಿ ಮನದಲಿ ಪ್ರೇಮ ಸೃಷ್ಟಿ,

ನಿನ್ ನಗೆಯಲಿ ಹರಿಯಿತು ಪ್ರೇಮ ವೃಷ್ಟಿ,

ನಂದಿದ ದೀಪದಲಿ ಒಂದಾದೆ ಗೆಳತಿ...

ಕೆನ್ನೆ ಕೆಂಪೇರಿತು ಮೊದಲ ಸಂಜೆ,

ಮೊನ್ನೆ ಜಿಂಕೆ ಕಣ್ಣಲಿ ಸನ್ನೆ,

ನೆನ್ನೆ ನೀನಾದೆ ಮನದನ್ನೆ ,

ನಂದಿದ ದೀಪದಲಿ ಒಂದಾದೆ ಗೆಳತಿ...

ಜೇನ್ತುಟಿ ನಡುಗಿತು ಅಂದು,

ಜೋಡಿಜೀವ ಅರಳಿತು ಬೆಂದು ,

ಮುದ್ದು-ಮನಕೆ ಮರೆಯಾದೆ ಯಾಕಿಂದು?

ನಂದಿದ ದೀಪದಲಿ ಒಂದಾದೆ ಗೆಳತಿ...

ಒಲವು....

2009-06-02T10:41:00.001+05:30

ಕಡಲ ಅಲೆಗಳ ಏರಿಳಿತ,
ಏನೀ ಸಲಿಗೆಯ ಸೆಳೆತ,
ಮಿಡಿವ ಮನಸಿನ ಭಾವ ಮಿಡಿತ,
ನನ್ನ ಒಲವಿನ ಸ್ನೇಹಿತ.

ನನ್ನೀ ಹೆಸರಿಗೆ ನೀನೆ ಅಂಕಿತ,
ಸತತ ಸಹಿಸಿದೆ ನಿನ್ನ ಕೊರೆತ,
ನನ್ನ ಎದೆಯಲಿ ಸದಾ ಶಾಶ್ವತ,
ನನ್ನ ಒಲವಿನ ಸ್ನೇಹಿತ.

ನನ್ನ ಎದುರಿಗೆ ಒಮ್ಮೆ ಸೋತ,
ಮೆಲ್ಲ ಬಂದು ಒಳಗೆ ಕೂತ,
ಉಸಿರಲಿ-ಉಸಿರಾಗಿ ಬೆರೆತ,
ನನ್ನ ಒಲವಿನ ಸ್ನೇಹಿತ.

ಇದು ನನ್ನ ಆತ್ಮೀಯ/ಪ್ರೀತಿಯ ಗೆಳೆಯ/ಗೆಳತಿಯರಿಗೆ ಅರ್ಪಿತ...;) ;) ;) ☺ ☺ ☺ ...

ಕಾದಿರುವೆ....

2009-05-30T22:44:00.001+05:30

ಮನಸಲಿ ಮೂಡಿದೆ,
ಕನಸಲಿ ಕಾಡಿದೆ,
ನೆನಪಲೆ ನೊಂದೆ,
ಹಗಲಲಿ ಕಾಣದೆ
ಮರೆಯಾದೆ, ಕಾದಿರುವೆ ಗೆಳತಿ....

ದೂರದ ತೀರದಿ,
ತೀರದ ಬಯಕೆಯ,
ಆರದ ಆಸೆಯ,
ಮಾಗದ ನೋವಿನ
ಜೊತೆ, ಕಾದಿರುವೆ ಗೆಳತಿ....

ಕೊಲ್ಲುವ ನೋಟದೆ,
ಮೆಲ್ಲನೆ ನೋಡಿದೆ,
ಸುಳ್ಳಿನ ಆಟದೆ,
ಕಳ್ಳನ ಕರಗಿಸಿ
ಮೆರೆದೆ, ಕಾದಿರುವೆ ಗೆಳತಿ....

ನೀನಲ್ಲವೇ...???

2009-05-19T15:48:00.001+05:30

ಮರದೆ ಮಿರುಗಿದ ಮಂದ ಗಾಳಿ ,
ಮೆಲ್ಲನೆ ತೇಲಿದ ತಂಗಾಳಿ,
ಸುರುಳಿ ಸುಂದರಿ ಸುಂಟರಗಾಳಿ,
ನೀನಲ್ಲವೇ ನನಗೆ ಗೆಳತಿ?

ಮೇಘ ಸಂಗಮದ ತುಂತುರು ಮಳೆ ಹನಿ,
ಹರಿವ ಕಾವೇರಿಯ ಸಿಹಿ ನೀರ ಹನಿ,
ಸಾಗರದಲೆಗಳ ನೀಲ ನೀರ ಹನಿ,
ನೀನಲ್ಲವೇ ನನಗೆ ಗೆಳತಿ?

ಹಣತೆಯ ಬೆಳಕಿನ ಹೊಳಪು,
ಚಂದ್ರನ ಬೆಳದಿಂಗಳ ತಂಪು,
ಸೂರ್ಯನ ಕಿರಣದ ನುಣುಪು,
ನೀನಲ್ಲವೇ ನನಗೆ ಗೆಳತಿ?

ಮನೆಯ ಬೆಳಗುವ ಕಿಚ್ಚು,
ಕೆರಳಿದ ಕೋಮಲೆ ಕಾಡ್ಗಿಚ್ಚು,
ಇರುಳನು ನಂದಿಸೋ ಕಿಚ್ಚು,
ನೀನಲ್ಲವೇ ನನಗೆ ಗೆಳತಿ?

ಹಸಿರು ತೊಟ್ಟ ಅಂದದ ಧರಣಿ,
ಜೀವ ಜಲ ತಂಗಾಳಿ ವರಿಸಿದ ಅವನಿ,
ಕೆಸರ ಹಸಿರಾಗಿಸೋ ಕರುಣಿ,
ನೀನಲ್ಲವೇ ನನಗೆ ಗೆಳತಿ?

ದೀನ ನಾನಾದೆ!!!!

2009-04-05T21:55:00.001+05:30

ದಿನಕರನ ದಯೆಕಾಣದೆ,
ದಿಗಂತದಲಿ ದಿಕ್ಕು ತೋಚದೆ,
ದಿನವೊಂದು ಯುಗವಾಗಿದೆ,
ಗೆಳತಿ!!! ನಿನ್ನೊಲುಮೆ ನನಗಿಲ್ಲದೆ.

ಚಿರ ಹರೆಯದ ಅರಿವಿಲ್ಲದೆ,
ಚಿಂತೆ ಮನೆ ಮಾಡಿದೆ,
ಚಿತೆಯ ಹಾದಿ ಹಿಡಿದಿದೆ
ಜೀವ, ಗೆಳತಿ!!! ನಿನ್ನೊಲುಮೆ ನನಗಿಲ್ಲದೆ.

ಕಡಲು ಕೆರಳಿದೆ,
ಕನಸು ಚದುರಿದೆ,
ಕವಿಗಿರುಳು ಕವಿದಿದೆ,
ಗೆಳತಿ!!! ನಿನ್ನೊಲುಮೆ ನನಗಿಲ್ಲದೆ.

ಕಣ್ಣು ಕಾದಿದೆ,
ಮನಸು ಬೇಡಿದೆ,
ಸನಿಹ ಬಯಸಿದೆ,
ನಿನ್ನ ಉಸಿರು ನನ್ನದೆ,
ನನ್ನ ಜೀವ ನಿನ್ನದೆ.

ಯುಗಾದಿಯ ಶುಭಾಶಯಗಳು...

2009-03-28T17:27:00.001+05:30

ನವ ವಸಂತ, ನವ ವರುಷಕೆ,
ಹೊಸತನವನು ತರಲಿ...
ಹೊಸ ಸಂವತ್ಸರ, ಹೊಸ ಚೈತ್ರದಿ,
ಹಳೆನೋವ್ಗಳ ಅಳಿಸಲಿ...
ಹೊಸ ವರುಷಕೆ,ಹೊಸ ವರುಷವು,
ಹೊಸ ಹರುಷವ ತರಲಿ...

ಬೇವು-ಬೆಲ್ಲದ, ಸಿಹಿ-ಕಹಿಯ
ಸಂಗಮವು ಸುಖವಾಗಲಿ...
ಸಂಗಮದ ಸವಿಯೊಂದಿಗೆ,
ಹೊಸ ಕನಸು ಚಿಗುರಾಗಲಿ...
ಹೊಸ ವರುಷಕೆ,ಹೊಸ ವರುಷವು,
ಹೊಸ ಹರುಷವ ತರಲಿ...

ಹೊಸ ದಿನದೆ,ಹೊಸ ನಗೆಯು,
ಕುಡಿಯೊಡೆದು ಹಸಿರಾಗಲಿ...
ಜೀವನದ, ಹೊಸ ದಾರಿಯಲಿ,
ನವ ಚೇತನ ಚಿಮ್ಮಲಿ...
ಹೊಸ ವರುಷಕೆ,ಹೊಸ ವರುಷವು,
ಹೊಸ ಹರುಷವ ತರಲಿ...

ನನ್ನೊಲುಮೆಯ ಅರಸಿ...

2009-03-17T00:26:00.000+05:30

ನೋಟವೂ ನಿನದೆ, ಆಟವೂ ನಿನದೆ...
ಮಾಟದ ನೋಟಕೆ, ಮೋಹದ ಆಟಕೆ...
ಮಿಂಚಿನ ನೋಟಕೆ, ಸಂಚಿನ ಆಟಕೆ...
ನಾ, ನಾನಲ್ಲೆ ಬೆಡಗಿ!!! ನಾ, ನಿನ್ನಲ್ಲೆ ಕಣೆ ಹುಡುಗಿ..

ಭಾವವೂ ನಿನದೆ, ಬಂಧವೂ ನಿನದೆ...
ಬಯಕೆಯ ಬಂಧಕೆ,ಸೆಳೆತದ ಭಾವಕೆ
ಒಲವಿನ ಬಂಧಕೆ,ಉಳಿವಿನ ಭಾವಕೆ...
ನಾ, ನಾನಲ್ಲೆ ಬೆಡಗಿ!!! ನಾ, ನಿನ್ನಲ್ಲೆ ಕಣೆ ಹುಡುಗಿ..

ಕನಸು ನೀನಾದೆ, ಮನಸು ನೀನಾದೆ...
ಕಡಲಿನ ಕನಸಿಗೆ,ಮುತ್ತಿನ ಮನಸಿಗೆ..
ಕೆರಳಿದ ಮನಸಿಗೆ, ಅರಳಿದ ಕನಸಿಗೆ...
ನಾ, ನಾನಲ್ಲೆ ಬೆಡಗಿ!!! ನಾ, ನಿನ್ನಲ್ಲೆ ಕಣೆ ಹುಡುಗಿ..

ನೋಟವ ಆಟದೆ ಮುಳುಗಿಸಿ,ಭಾವವ ಬಂಧದೆ ಸಿಲುಕಿಸಿ..
ಮನಸನು ಕನಸಲಿ ತೇಲಿಸಿ, ಕಂಗೆಡದೆ ಕಣ್ಣೊರೆಸಿ,,
ಮೊಗದಲಿ ನಗೆ ಸುರಿಸಿ, ನಿನ್ ತನವ ನಿನ್ನಲೆ ಉಳಿಸಿ,
ನೀನಾಗೆ ನನ್ನೊಲುಮೆಯೆಡೆ ನಡೆದು, ನನ್ನೊಳಗೆ ಆವರಿಸೆ ನನ್ನರಸಿ...

ಮಾಸದ ಚೆಲುವು....

2009-03-04T13:40:00.000+05:30

ಚಳಿಗಾಲದ ಚಳಿಯಲ್ಲಿ, ಕಂಡ ಚೆಂದದ ಚೆಲುವೆ ಯಾರೇ...
ಬೇಸಿಗೆಯ ಬೇಗೆ ಅಳಿಸಿದ ಮಂಜಿನ ಹನಿ ನೀ ಯಾರೇ...
ಮರೆಯಾಗುವುದು ಮರೆತು ಬಾರೆ,ಬಂದು ಮೊಗವ ತೋರೆ.

ಮಳೆಗಾಲದ ಮಸುಕಿನಲಿ, ಮರೆಯಾದ ಮಳ್ಳಿ ನೀನ್ಯಾರೇ...
ನವ ವಸಂತದ ಚೆಲುವೆ, ನೀನೇ ಬೆಳಕು, ನೀನೆ ತಾರೆ...
ಕನವರಿಸಿದೆ ಮನ, ಕಣ್ಣ ರೆಪ್ಪೆಯಲಿ.. ಬಂದು ಕೂರೆ.

ಮಾಘಿಯ ಗಾಳಿಗೆ ಮಾಗದ ಅಂದದ ಒಡತಿ ಯಾರೇ...
ಮಧುಮಾಸದ ಮೊದಲ ಮಾವಿನ ಚಿಗುರೆ...
ತಂಗಾಳಿಯ ತವಕದಲೆ ಕಾದಿರುವೆ ಓ ಉಸಿರೇ..
ತಡಮಾಡದೆ ಬಾ ಸಖಿ... ಬಾಳ ಕೆಸರೋರೆಸಿ ಹಸನಾಗಿಸೆ ಬಾರೆ....

Office ಮುಂದಿನ ಅಂದ...

2009-02-24T23:16:00.001+05:30

ಕೂತಿರುವ ಸಾಲ ಕಂಡೆಯ ಕಂದ???
ಒಂದೊಂದು ಹಕ್ಕಿಯದು ಒಂದೊಂದು ಚೆಂದ.
ಒಂದರ ಹಲ್ಲು ನೋಡಲು ಸ್ವಲ್ಪ ಮುಂದ,
ಹತ್ರ ಹೋಗೋನ ಬುದ್ದಿ ಸ್ವಲ್ಪ (ಜಾಸ್ತಿ) ಮಂದ!!!

ಒಂದು, ಕಣ್ಣು ಕಮಲ? ನೋಡೋನ ಜೀವ ಜಿಲಜಿಲ..
ಎರಡು, ಮೂಗು ಸಂಪಿಗೆ? ಸುಳಿದರೆ ಸುತ್ತ ಸುಡುವುದು ಮೈ ಕೆಂಪಗೆ..
ಮೂರು, ಕೆನ್ನೆ ಆಪಲ್? ಅಲ್ಲಲ್ಲಿ (ಎಲ್ಲಕಡೆ) ನಗುತಿತ್ತು ಪಿಂಪಲ್...
ನಾಲ್ಕು, ತುಟಿ ದಾಳಿಂಬೆ? ಯಾವ ದಾಳಿಗೂ ಜವಾಬಿಲ್ಲ ಅದು ಗೂಬೆ...
ಐದು, ಹುಬ್ಬು ಬಾಗಿದ ಕಬ್ಬು? ಕಾಲ್ಕೇಜಿ ಮೈಯೆಲ್ಲಾ ಬಾರಿ ಕೊಬ್ಬು..
......
.......
........
.........

ಹಾಲು-ಜೇನು

2009-02-13T00:30:00.000+05:30

ಮನಸಲ್ಲಿ ಮೂಡಿದ ಮೌನದ ಮಾತೆ ನೀನು,
ಮನೆಯೆಲ್ಲ ಮೆರೆದ-ಮುರಿದ ಮಾತಿನ ಮೌನ ನೀನು.

ಮುದ್ದು ಮಗುವಿನ ಮೊಗದ ಮೊಸಳೆ ನೀನು,
ಮೊಸಳೆ ಮೊಗದವ, ನಿನಗಿಂತ ಲೇಸು ನಾನು.

ಮೃಗದ ಮನಸಿನ, ಗೋವಿನ ರೂಪ ನೀನು,
ಗೋವೆಂದು ನಂಬಿ ನೀರಾದೆ ನಾನು.

ಮುಂಗಾರಿನ ಮೇಘದಂತೆ ಕಂಡೆ ನೀನು,
ಮಿಂಚು-ಸಿಡಿಲಾಗಿ ಕಾಡಿದೆ ನೀನು.

ವಂಚನೆಗೆ, ಬೆಂದ ಜೀವ ನಾನು
ಜೀವದೊಳಗಿನ ಕ್ರೋದ ತೊರೆಯೇ ನೀನು,
ಬಾಳಾಗುವುದು ಆಗ ಹಾಲು-ಜೇನು.

ಉಸಿರುಸಿರ ಬೆಸುಗೆ.....

2009-01-20T09:37:00.000+05:30

ಕನಸಿನ ಕುಂಚದಲಿ ಕಣ್ಣ ಹಿಂಡಿದರೆ,
ಕಲೆಯ ಗತಿಯೇನು ಹೇಳೆ ಗೆಳತಿ!!
ಕಾರ್ಮೋಡ ಕಾವಿನಲಿ ಕಾರಿದರೆ,
ಕಾಯ, ಕಳೇಬರವೆ ನಿಜ ಕೇಳೆ ಗೆಳತಿ!!

ಮಾಗದ ಮನಸಿಗೆ ಮಾಘಿಯ ಗಾಳಿಯ ತಂದೆ,
ಮರುಗಿ ಮಣ್ಣಾಗಿದೆ ಮನ ನೋಡೆ ಗೆಳತಿ!!
ಮೋಹದ ಮಾಯೆಯಲಿ ಮರೆತು ಮಿಂದೆ,
ಮೌನ ಮೆರೆದಿದೆ, ಮೊಗ ಸೊರಗಿದೆ ಅರಿಯೆ ಗೆಳತಿ!!

ಕಣ್ಣ ಹನಿಗಳ ಅಳಿಸೆ, ಕಾಣದ ನಗೆ ತರಿಸೆ,
ಮಳೆ ಹನಿಗಳ ತಂಪಾಗಿ ಸುರಿಸೆ ಗೆಳತಿ!!
ಮಾಯೆಯ ಮರೆಸಿ, ಮೂಗನ ನುಡಿಸೆ,
ಚಿಂತೆಯ ಚಿತೆಗೆ ಕಳಿಸಿ,ಮರುಗಿದ ಮಾನವ ಮೆರೆಸಿ,
ಕಾಯುತಿಹ ಉಸಿರ ಹೆಸರಿಸಿ, ಉಸಿರುಸಿರ ಬೆರೆಸೇ ಗೆಳತಿ!!!!!!

ಹೊಸ ವರ್ಷದ ಶುಭಾಶಯಗಳು....

2009-01-07T23:37:00.000+05:30

ಚಿರಕಾಲದ ಚಿಂತೆಗಳು, ಚಿರ ಶಾಂತಿಗೆ ತೆರಳಲಿ
ನೂರ್ಕಾಲದ ಆಸೆಗಳು, ನೋರೆಹಾಲಂತೆ ಹೊಳೆಯಲಿ
ಜಗದೊಳಗೆ, ಜಯವೆಂಬುದು, ನಿನ್ ಹೆಸರಲಿ ಜೇಂಕರಿಸಲಿ
ಹೊಸ ವರುಷಕೆ,ಹೊಸ ವರುಷವು,ಹೊಸ ಹರುಷವ ತರಲಿ

ನದಿ-ನದಗಳು ಕುಣಿದಾಡಲಿ, ಝರಿ-ತೊರೆಗಳು ತುಳುಕಳಿ
ಹೊಸ ವರುಷಕೆ, ಭೂ ಮಾತೆಯು ಹೊಸ ವೇಷವ ತೋರಲಿ
ಹೊಸ ವಸಂತದೇ, ಹೊಸ ಹಸಿರು, ಹೊಸದೆ ಚಿಗುರೊಡೆಯಲಿ
ಹೊಸ ವರುಷಕೆ,ಹೊಸ ವರುಷವು,ಹೊಸ ಹರುಷವ ತರಲಿ

ಹೊಸತನದ, ಹೊಸ ಬಯಕೆಯೂ ಹೂವಂತೆ ಅರಳಲಿ...
ಕೆಸರಾಗಿಹ ಹೆಸರು, ಹೊಸ ಬೆಳಕಲಿ ಬೆಳಗಲಿ
ಹೊಸತೆ, ಹೊಸ ಬಾಳಿನ ಹಾದಿಗೆ ನಂದದ ದೀಪವಾಗಲಿ
ಹೊಸ ವರುಷಕೆ,ಹೊಸ ವರುಷವು,ಹೊಸ ಹರುಷವ ತರಲಿ!!

ಹೃದಯಾಂತರಾಳದ ಗೆಳತಿ

2008-12-30T20:45:00.000+05:30

ಕಾಣದ ಲೋಕದಲಿ ಕಾಣದೆ ಹೋದವಳೆ,
ಕನಸ ಕಟ್ಟಿ ಕಾದಿರುವೆ ಬಾರೆ ಬಾಲೆ.

ಸಾವಿರ ಕಂಗಳಲಿ ಮಿಂಚಾಗಿ ಸುಳಿದವಳೆ,
ಎರಡೆ ಕಣ್ಣಿರುವುದು ನನಗೆ ಬಾರೆ ಬಾಲೆ.

ಕಡಲ ಆಳದಲಿ ಕುಳಿತಿರುವ ಕಮಲೆ,
ಕಡಲ ತೀರದೆ ಕಾದಿರುವೆ ಬಾರೆ ಬಾಲೆ.

ಹಸಿರ ವನರಾಶಿಯಲಿ ಉಸಿರಾಗಿ ಬೆರೆತವಳೆ,
ಉಸಿರೊಂದು ಹುಡುಕುತಿದೆ ಬಾರೆ ಬಾಲೆ.

ಹೊಂಬಣ್ಣದ ಮುಂಜಾವಲಿ ಹೊನ್ನಂತೆ ಹೊಳೆವವಳೆ,
ಪ್ರೀತಿಯ ಬೆಲೆ ತೆರುವೆ ಬಾರೆ ಬಾಲೆ.

ಕೆಂಬಣ್ಣದ ಸಂಜೆಯಲಿ ಕೆನ್ನೆ ಕೆಂಪಾದವಳೆ,
ಕೆಂಪ, ತಂಪಾಗಿಸುವೆ ಬಾರೆ ಬಾಲೆ,

ಹೃದಯಾಂತರಾಳದಲಿ ಅಡಗಿರುವ ಕೋಮಲೆ,
ಜೊತೆಯಾಗಲು ಹೊರಗೆ ಬಾರೆ ಬಾಲೆ.

ಜೀವದ ಗೆಳತಿ......

2008-12-22T23:44:00.000+05:30

ಕಾರಿರುಳಲಿ ಕಂಡ ಬೆಂಕಿಯ ಕಿಚ್ಚಿನಂತೆ....
ಮುಸ್ಸಂಜೆಯಲಿ ಬಂದ ಮುಂಗಾರಿನ ಚಿಟಪಟ ಮಳೆಯಂತೆ....
ತಿಂಗಳ ಬೆಳದಿಂಗಳ ಬಿದಿಗೆ ಚಂದ್ರಮನಂತೆ...
ತಂಗಾಳಿಯ ಜೊತೆ ತೇಲಿ ಬರುವ ಪರಿಮಳದಂತೆ...
ಹರಿವ ನದಿಯ ಕಲಕಲ ಕಲರವದಂತೆ...
ಗುಡುಗುಡು ಗುಡುಗಿನ ಸೆಳೆವ ಆರ್ಭಟದಂತೆ...
ಸಿಡಿವ ಮಿಂಚಿನ ಅಂಚು ಹೊಳೆಯುವಂತೆ....
ಸುಡುವ ಸೂರ್ಯನ ಕಾಂತಿಯ ಕಿರಣಗಳಂತೆ...
ಚಿನ್ನದ ಮಣ್ಣಿನ ಹಸಿರ ರಾಶಿಯಂತೆ..
ನಗುವ ಮಗುವ ಕಿಲಕಿಲ ನಗೆಯಂತೆ...
ಹಾರುವ ಹಕ್ಕಿಯ ಚಿಲಿಪಿಲಿ ದನಿಯಂತೆ....
ಬಾ ಗೆಳತಿ, ನಿನಗಾಗಿ ಕಾದಿರುವ ಜೀವ ನಂದಂತೆ!!!!!
ಈ ಜೀವದಲಿ ನಿನ್ ಜೀವವ ಬೆರೆಸು,
ಮಧುವಿನ ಜೊತೆ ಮಕರಂದದಂತೆ......

ಕಡಲ ರಾಣಿ

2008-12-13T23:06:00.000+05:30

ತಿರುಗಿ ತಿರುಗಿ ನಿನ ನೋಡಲಾರೆ
ಸುಳಿದು ಹೋಗೆಲೆ ಕಣ್ಮುಂದೆ
ಮರುಗಿ ಕೊರಗಿ ನಾ ಸಾಯಲಾರೆ
ಅಡಗಬೇಡೆಲೆ ಬೆನ್ಹಿಂದೆ
ಕಡಲ ಆಳವ ಕಾಣಲಾರೆ..
ಕಡಲ ರಾಣಿ ನಿನ ಅರಸಿ ಬಂದೆ
ಬೆಳದಿಂಗಳಲಿ ಬೇಯಲಾರೆ
ತಂಗಾಳಿಯ ನೀ ತಳ್ಹಿಂದೆ..
ಬೆಳಕ ಬಳ್ಳಿಯೇ ಬಿಡಲಾರೆ
ಕತ್ತಲ ಕಳೆಯಲು ಬಾ ಮುಂದೆ..
ಇನ್ನೂ ಬಹಳ ನಾ ಕಾಯಲಾರೆ
ಬಂದು ಜೊತೆಯಾಗೇ, ನಾನು ನೀನು ಒಂದೇ......

ಸಾವಿರದ ಸಂಪಿಗೆ

2008-12-08T22:51:00.000+05:30

ಚಿಂತೆ ಏತಕೆ ಚೆಂದವೇ..??
ಅಂತೆ ಕಂತೆಯ ಮಾತಿಗೆ...
ಬುದ್ಧಿ ನಿನಗೆ ಮಂದವೇ???
ಸಾವು ಬಯಸಿಹೆ ಸೋಲಿಗೆ...
ಅಳುಕಬೇಡ ಅಂದವೇ....
ಸಾಟಿ ಯಾರೆ ನಿನ್ ಸೊಗಸಿಗೆ???
ನೋವಿನೊಂದಿಗೆ ಸಂಗವೇ...??
ಮರೆತು ಮಿನುಗೆ ಸಂಪಿಗೆ....
ನಾ ಇರುವೆ ನಿನ್ನೊಂದಿಗೆ.....

Avoid Cancer...

2008-11-30T21:01:00.001+05:30

Stop smoking.. cigars..............

ಕಾಡುವ ನೆರಳು

2008-11-30T18:04:00.000+05:30

ಕಾಡುವೆ ನೀ ನಿನ್ನ ನೆನಪಲಿ..
ಕೆಣಕುವೆ ನೀ ನಿನ್ನ ಕಣ್ಣಲಿ,,
ಕಾಣುವೆ ನೀ, ನನ್ನ ನೆರಳಲಿ,,
ಕದಡುವೆ ಮನ ಮುಂಬೆರಳಲಿ,
ಮರೆಸುವೆ ಜಗ ಮಾತಲಿ..
ಉರಿಸುವೆ ನೋವು ಕ್ಷಣದಲಿ...
ಎಲ್ಲಿ ಅವಿತಿರುವೆ ನೀ ಮರೆಯಲಿ???
ಬಾ, ಒಂದಾಗು ಗೆಳತಿ!!! ನೀ ನನ್ನಲಿ....

ಶೂನ್ಯದ ಸಂತೆ...

2008-11-23T22:32:00.000+05:30

ಕಣ್ಣಿಗೆ ಕಾಣದೆ ಎಲ್ಲಿ ಮರೆಯಾದೆ ಓ ಕಾಂತೆ???
ಪ್ರತಿ ಹಗಲೂ, ಪ್ರತಿ ಇರುಳೂ, ನಿನದೆ ಚಿಂತೆ!!!
ನೀನೊಂದು ಸುಂದರ ಸುಮಗಳ ಕಂತೆ...
ಇರುಳೆಲ್ಲ ಕಾಡುವೆ ತಂಗಾಳಿಯಂತೆ
ಬೆಳಗಾದರೆ ಬರೀ ಶೂನ್ಯದ ಸಂತೆ...
ಕಗ್ಗತ್ತಲಲ್ಲಿ ಕಾಣುವೆ ಬೆಳದಿಂಗಳಂತೆ...
ನಡೆವ ಹಾದಿಗೆ ನೀ ದಾರಿದೀಪದಂತೆ..
ನೀ ಇಲ್ಲದೇ ನಾ ಇರುವುದೆಂತೇ???
ಕಣ್ಣಿಗೆ ಕಾಣದೆ ಎಲ್ಲಿ ಮರೆಯಾದೆ ಓ ಕಾಂತೆ???

Chutuka-6

2008-11-11T09:44:00.000+05:30

ಕತ್ತಲ ಲೋಕದ ಪಯಣಿಗ ನಾ
ಬೆತ್ತಲ ಭವ್ಯತೆ ಮರೆಯೆನು ನಾ
ಸುತ್ತಲ ಭಯದಿ ಬೆದರಿದೆ ನಾ
ದೂರದಿ ಅಚ್ಚರಿ ಕಂಡೆನು ನಾ
ಕಾಣದ ವಸ್ತು ಹುಡುಕಿದೆ ನಾ
ಕತ್ತಲ ಲೋಕದ ಪಯಣಿಗ ನಾ
ಕಲ್ಪನೆ ಕನಸಲಿ ಮುಳುಗಿದೆನಾ???

Chutuka-5

2008-11-08T22:03:00.001+05:30

ಮೇಲೆ ನೋಡು ಚಂದಮಾಮ
ಗುಂಡ ಗುಂಡಗೆ ಕಾಣುವನಮ್ಮ
ದೂರದಿ ಬೆಳಗುವ ಗುಂಡುಮಾಮ
ಹತ್ತಿರ ಕಾಣುವ ಹೇಗಮ್ಮ???
ತಿಂಗಳಿಗೊಮ್ಮೆ ಆಗುವ ಡುಮ್ಮ
ಮತ್ತೊಮ್ಮೆ ಅವನು ಕಾಡುವ ಗುಮ್ಮ..
ಮೇಲೆ ನೋಡು ಚಂದಮಾಮ
ನನಗ್ಯಾವಾಗ ಸಿಗುವನಮ್ಮ...???

Chutuka-4

2008-11-08T22:02:00.001+05:30

ಓ ನನ್ನ ಮುದ್ದಿನ ಪೆನ್ನೆ,,!!
ನೋಡ್ದೆ ಒಂದ್ ಫಿಗರ್ ನೆನ್ನೆ,
ನುಣುಪಾಗಿತ್ತು ಅವಳ ಕೆನ್ನೆ!!!
ಹೋಲುತಿತ್ತು ಮಂಡ್ಯ ಬೆಣ್ಣೆ!!!
ಪೆನ್ನೆ??,,, ಮಾಡೆ ಒಂದು ಸನ್ನೆ,
ಜೀವನ ಆಗ್ಬಾರ್ದು ಸೊನ್ನೆ.....

Chutuka-3

2008-11-08T22:01:00.000+05:30

ಮಚ್ಚಿ, ನೀನೇನಾ ಅವ್ಳು..?
ನನ್ ಡ್ರೀಮಲ್ ಬಂದೊಳು.
ನಿದ್ದೆಗೆ ಜಾಡ್ಸಿ ಒದ್ದೊಳು
ಬುದ್ಡಿಗೆ ಬ್ರೇಕ್ ಹಾಕ್ದೊಳು
ನೈಟ್ ನಿದ್ದೆ ಕದ್ದೊಳು
ವೈಟ್ ಡ್ರೆಸ್ಸಲ್ ಇದ್ದೊಳು
ಕಣ್ಣಲ್ ಸನ್ನೆ ಮಾಡ್ದೊಳು
ಸಣ್ ಸಣ್ಣಗೆ ನಕ್ದೊಳು
ಹಾರ್ಟ್ ಕದ್ದು ಹೊದೊಳು
ನೀನೇನಾ ಅವ್ಳು? ಮಚ್ಚಿ, ನೀನೇನಾ ಅವ್ಳು...??

Chutuka-2

2008-11-08T22:00:00.000+05:30

ಕಂಡು ಕಾಣದೆ ಹೋದ್ಯಲ್ಲೆ
ಎಲ್ಲಿಗೆ ಹೋದ್ಯೆ ಓ ನಲ್ಲೆ
ನೀನಿರುವೆ ಸದಾ ನನ್ನಲ್ಲೆ
ನೀನೆ ನಾ, ನಾನೇ ನೀ ಓ ಸುಮಬಾಲೆ

Chutuka-1

2008-11-08T21:59:00.000+05:30

ಕಾಣಿಸ್ತೊಂದು ಚಿಟ್ಟೆ
ಅಲ್ಲೇ ಅದನ್ನ ಮೆಟ್ಟೆ (kanglish word, meaning (met))
ಕಣ್ಣಲ್ ಕಣ್ಣು ಇಟ್ಟೆ
ಆಯ್ತು ಪ್ರೀತಿ ಮೊಟ್ಟೆ
ಕೊನೆಗಾಯ್ತು ನನ್ ಲೈಫು ಮೂರಾಬಟ್ಟೆ.... ☺☺☺

Photoshop Works...

2008-06-08T23:58:00.002+05:30

Some clicks by me....

2008-06-08T23:58:00.001+05:30

Gopalaswamy Betta.. Photos...

2008-06-08T23:56:00.000+05:30

Ooty Photos....

2008-06-08T23:45:00.000+05:30