ಹುಸಿಮುನಿಸು...

ಅನಿಸುತಿದೆ ಏಕೋ ಗೆಳತಿ
ಹುಸಿಮುನಿಸು ನಿನ್ನದೆಂದು,
ಮತ್ತೆ ಮತ್ತೆ ನೋಡಬೇಕೆನಿಸಿದೆ
ಆ ನಿನ್ನ ಹುಸಿನಗುವನಿಂದು||

ತಡಮಾಡದೆ ಬಾ ಗೆಳತಿ
ಮಿಲನ ಮಹೋತ್ಸವಕೆಂದು,
ಗೌರಿಶಂಕರವೀವಿರಹ ತುಡಿಯುತಿದೆ
ತುದಿಗಾಲಲಿ ನಿನ್ನ ಸೇರಲೆಂದು||

ಒಂದು ಮಧುರ ಕ್ಷಣದಿ
ಎಂದೂ ಕಾಣದ ಚಿತ್ತಾರ,
ಕಂಡೆ ನಾ ಎನ್ನಂತರಂಗದಿ
ಹುಸಿಮುನಿಸ ಮುರಿಯೆಲೆ ಮುದ್ದು ಗೆಳತಿ||


ಸರಸ ವಿರಸಗಳೆರಡು
ಒಲವ ಅವಳಿಗಳು,
ಉಳಿದ ತೊಳಲಾಟಗಳು
ಸುಮಧುರ ಕೋಮಲ ಕುಸುಮಗಳು
ಹುಸಿಮುನಿಸ ಮುರಿಯೆಲೆ ಮುದ್ದು ಗೆಳತಿ||