ಕಾದಿರುವೆ....

ಮನಸಲಿ ಮೂಡಿದೆ,
ಕನಸಲಿ ಕಾಡಿದೆ,
ನೆನಪಲೆ ನೊಂದೆ,
ಹಗಲಲಿ ಕಾಣದೆ
ಮರೆಯಾದೆ, ಕಾದಿರುವೆ ಗೆಳತಿ....

ದೂರದ ತೀರದಿ,
ತೀರದ ಬಯಕೆಯ,
ಆರದ ಆಸೆಯ,
ಮಾಗದ ನೋವಿನ
ಜೊತೆ, ಕಾದಿರುವೆ ಗೆಳತಿ....

ಕೊಲ್ಲುವ ನೋಟದೆ,
ಮೆಲ್ಲನೆ ನೋಡಿದೆ,
ಸುಳ್ಳಿನ ಆಟದೆ,
ಕಳ್ಳನ ಕರಗಿಸಿ
ಮೆರೆದೆ, ಕಾದಿರುವೆ ಗೆಳತಿ....

ನೀನಲ್ಲವೇ...???

ಮರದೆ ಮಿರುಗಿದ ಮಂದ ಗಾಳಿ ,
ಮೆಲ್ಲನೆ ತೇಲಿದ ತಂಗಾಳಿ,
ಸುರುಳಿ ಸುಂದರಿ ಸುಂಟರಗಾಳಿ,
ನೀನಲ್ಲವೇ ನನಗೆ ಗೆಳತಿ?

ಮೇಘ ಸಂಗಮದ ತುಂತುರು ಮಳೆ ಹನಿ,
ಹರಿವ ಕಾವೇರಿಯ ಸಿಹಿ ನೀರ ಹನಿ,
ಸಾಗರದಲೆಗಳ ನೀಲ ನೀರ ಹನಿ,
ನೀನಲ್ಲವೇ ನನಗೆ ಗೆಳತಿ?

ಹಣತೆಯ ಬೆಳಕಿನ ಹೊಳಪು,
ಚಂದ್ರನ ಬೆಳದಿಂಗಳ ತಂಪು,
ಸೂರ್ಯನ ಕಿರಣದ ನುಣುಪು,
ನೀನಲ್ಲವೇ ನನಗೆ ಗೆಳತಿ?

ಮನೆಯ ಬೆಳಗುವ ಕಿಚ್ಚು,
ಕೆರಳಿದ ಕೋಮಲೆ ಕಾಡ್ಗಿಚ್ಚು,
ಇರುಳನು ನಂದಿಸೋ ಕಿಚ್ಚು,
ನೀನಲ್ಲವೇ ನನಗೆ ಗೆಳತಿ?

ಹಸಿರು ತೊಟ್ಟ ಅಂದದ ಧರಣಿ,
ಜೀವ ಜಲ ತಂಗಾಳಿ ವರಿಸಿದ ಅವನಿ,
ಕೆಸರ ಹಸಿರಾಗಿಸೋ ಕರುಣಿ,
ನೀನಲ್ಲವೇ ನನಗೆ ಗೆಳತಿ?