ನಿನ್ನ ಮೊಗ ನೋಡಲಾರೆನು ನಾನು,
ದೂರವಿರು ನನ್ನಿಂದ...
ಕರಗಿ ಕೆಳಗಿಳಿಯೇ ಕಂಗಳಂಚಿಂದ
ಕಣ್ಣೀರ ಹನಿಯಾಗಿ ಮನದಾಳದಿಂದ....
ಕಣ್ಣ ಮುಚ್ಚಲು ನಾನು,
ನನ್ನೆದರು ನೀನು,
ಬೇಡವೆಂದೆಷ್ಟು ಸಲ ದೂಡಲಿ ನಿನ್ನ,
ಬೇಡನಂತೇಕೆ ಬೇಟೆಯಾಡುವೆ ನನ್ನ,
ಬೇಡಿಕೊಂಡರು ಕರುಣೆಬಾರದೆ ನಿನಗೆ???
ಬಿಡುಗಡೆಯ ನೀಡೆನಗೆ ಚೆಲುವೆ,
ನಿನ್ನ ಮೋಹ ಜಾಲದ ವ್ಯೂಹದಿಂದ....
ನೊಂದು ಬೆಂದಿರುವೆ ನಾನು,
ಇಂದು ನಾಳೆಗಳ ಅರಿವಿಲ್ಲದೆ,
ಒಂದುಸಲವಾದರು ಹೇಳು ಪ್ರೀತಿಯಲಿ,
"ನೀ ನನಗೆ ಇಷ್ಟ"ವೆಂದು.....
ಅಷ್ಟೇ ಸಾಕೆನ್ನ ಪುಟ್ಟ ಹೃದಯಕೆ,
ಎಷ್ಟೇ ಜನುಮಗಳೆ ಸಾಗಲಿ,
ಕಾಯುವೆನು ನಿನಗಾಗಿ ತೆರೆದ ಮನಸಿಂದ,
ಸೇರಿಕೊಳ್ಳವೆ ನಿನ್ನ ಮುಗ್ದ ಪ್ರೇಮದಿಂದ...
