ಏಕಾಂಗಿಯ ಏಕಾಂತ...

ಹಸಿರ ಕಾನನದ ನಡುವಲ್ಲಿ,
ನಟ್ಟ ನಡು ರಾತ್ರಿಯಲಿ,
ಮೈ ಕೊರೆವ ಚಳಿಯಲ್ಲಿ,
ಬಿರುಗಾಳಿಯ ಅರಿವಿಲ್ಲ ಗೆಳತಿ,
ಏಕಾಂಗಿಯ ಏಕಾಂತದಲ್ಲಿ||

ತಾರೆಗಳ ಎಣಿಸುವು ಖುಷಿಯಿಲ್ಲ,
ಒಣಗಿದೆಲೆಗಳ ಶಬ್ದ ಹಿತವಿಲ್ಲ,
ಮಿತವಾಗಿ ಬೀಸುತಿಹ ತಂಗಾಳಿ ತಂಪಿಲ್ಲ,
ಹರಿವ ನದಿ ನೀರಾಗಿ ಉಳಿದಿಲ್ಲ ಗೆಳತಿ,
ಏಕಾಂಗಿಯ ಏಕಾಂತದಲ್ಲಿ||

ಮುಂಜಾನೆ ಮಂಜು ಕಾರುತಿದೆ ಕಾವು,
ನೆನಪುಗಳ ನೆನದ ಮನಕೆ ನೋವು,
ನಿನಗಾಗಿ ಕಾದ ಸೂರ್ಯೋದಯಗಳೆಲ್ಲ ಕಹಿಬೇವು,
ನಿದ್ರೆಗಳಿಲ್ಲದ ರಾತ್ರಿ, ದೇಹ ಬಯಸಿದೆ ಸಾವು, ಗೆಳತಿ,
ಏಕಾಂಗಿಯ ಏಕಾಂತದಲ್ಲಿ||