ನಿನ್ನಂತರಂಗವನು
ನೋಡಲೆನಗಿಲ್ಲ ದಿವ್ಯ ದೃಷ್ಟಿ,
ಆ ದೇವನು ಕೂಡ
ಅರಿಯಲಸಾಧ್ಯ ಹೆಣ್ಣಿನಮನ,
ಬಡ ಜೀವ ನಾನು, ಹೇಗೆ ಅರಿಯಲೇ ಗೆಳತಿ ನಿನ್ನ ಮನಸ್ಸು???
ಮತ್ಸ್ಯ ಕನ್ಯೆಯೇ ನೀನು?
ಹಿಂಬರುವೆ ಬಾಲೆ ನಿನ್ ಹೆಜ್ಜೆ ಹಿಡಿದು,
ಸರ್ಪ ಕನ್ಯೆಯೇ ನೀನು?
ಚಿತ್ತಾರ ಬಿಡಿಸುವೆ ನಿನ್ ಹೆಜ್ಜೆಯಲಿ ನಡೆದು,
ವೃಕ್ಷ ಕನ್ಯೆಯೇ ನೀನು?
ಸೇರುವೆ ನಿನ್ನ ಗಾಳಿಯ ದಿಕ್ಕಲಿ ನಡೆದು,
ಏನೆಲ್ಲಾ ಮಾಡಿದರು ಅರಿಯಲಾರೆನು ಗೆಳತಿ ನಿನ್ನ ಮನಸ್ಸು||
ಕಾಮಧೇನುವೆ ನೀನು?
ಕಾಮಿಸುವೆ ಒಂದು ವರ ಮನದೆ ನೆನೆದು,
ಸಿಂಹಿಣಿಯೆ ನೀನು?
ಮೃಗಾರಾಜನಾಗುವೆನು ನಿನ್ನೆಡೆಗೆ ಬಂದು,
ಕೋಗಿಲೆಯೆ ನೀನು?
ಕವಿಯಾಗಿ ಬೆರೆಸುವೆ ರಾಗದೊಂದಿಗೆ ಪದವ ಬರೆದು,
ಏನೆಲ್ಲಾ ಮಾಡಿದರು ಅರಿಯಲಾರೆನು ಗೆಳತಿ ನಿನ್ನ ಮನಸ್ಸು||
