ಕಟುವಾದ ಕಲ್ಲಿನ ಕಂಬದಲು,
ಹಿತವಾದ ನಾದ ಹೊಮ್ಮುವುದು
ನಮ್ಮ ಕರುನಾಡಿನಲಿ....
ಬೆಟ್ಟ-ಗುಡ್ಡಗಳೆ ಅಡಗಿರಲು
ಸಹ್ಯಾದ್ರಿಯೊಡಲಿನಲಿ, ಹಸಿರೆ ಉಸಿರಾಗಿದೆ
ನಮ್ಮ ಕರುನಾಡಿನಲಿ....
ಕಾವ ತಡೆದರು ತಾಯಿ ಕಾವೇರಿ,
ಬೇಡಿದ ಭಟ್ಟಂಗಿಗಳಿಗೆಲ್ಲಾ ನೀರುಣಿಸುವಳು
ನಮ್ಮ ಕರುನಾಡಿನಲಿ...
ಸುಡು ಬಿಸಿಲೊಳು ಬೆಂದರು ನಮ್ಮ ಜನ,
ಬರುವ ಬೇವರ್ಸಿಗಳಿಗೆ ಅನ್ನ-ಆಶ್ರಯವ ಕೊಡುವರು
ನಮ್ಮ ಕರುನಾಡಿನಲಿ...
ಕಂಪು ಕನ್ನಡ ಗಾಳಿ ಉಸಿರೊಳಗೆ ಬೆರೆತಿರಲು,
ಕರುನಾಡೇ ನನ್ನ ನೆಲೆ, ಕಾವೇರಿ ತಾಯಿ,
ಕನ್ನಡವೇ ತಾಯ್ನುಡಿಯು, ಕನ್ನಡತಿ ಎನ್ನೊಡತಿ,
ಮರೆತು ನಡೆದರೆ ನಾನು, ಮಸಣದಲಿ
ಮಸಿಯಾಗಿಸು ನನ್ನ, ತಾಯೆ ಕನ್ನಡಾಂಬೆ...
No comments:
Post a Comment