ಮಾಸದ ಚೆಲುವು....

ಚಳಿಗಾಲದ ಚಳಿಯಲ್ಲಿ, ಕಂಡ ಚೆಂದದ ಚೆಲುವೆ ಯಾರೇ...
ಬೇಸಿಗೆಯ ಬೇಗೆ ಅಳಿಸಿದ ಮಂಜಿನ ಹನಿ ನೀ ಯಾರೇ...
ಮರೆಯಾಗುವುದು ಮರೆತು ಬಾರೆ,ಬಂದು ಮೊಗವ ತೋರೆ.

ಮಳೆಗಾಲದ ಮಸುಕಿನಲಿ, ಮರೆಯಾದ ಮಳ್ಳಿ ನೀನ್ಯಾರೇ...
ನವ ವಸಂತದ ಚೆಲುವೆ, ನೀನೇ ಬೆಳಕು, ನೀನೆ ತಾರೆ...
ಕನವರಿಸಿದೆ ಮನ, ಕಣ್ಣ ರೆಪ್ಪೆಯಲಿ.. ಬಂದು ಕೂರೆ.

ಮಾಘಿಯ ಗಾಳಿಗೆ ಮಾಗದ ಅಂದದ ಒಡತಿ ಯಾರೇ...
ಮಧುಮಾಸದ ಮೊದಲ ಮಾವಿನ ಚಿಗುರೆ...
ತಂಗಾಳಿಯ ತವಕದಲೆ ಕಾದಿರುವೆ ಓ ಉಸಿರೇ..
ತಡಮಾಡದೆ ಬಾ ಸಖಿ... ಬಾಳ ಕೆಸರೋರೆಸಿ ಹಸನಾಗಿಸೆ ಬಾರೆ....