ನೋಟವೂ ನಿನದೆ, ಆಟವೂ ನಿನದೆ...
ಮಾಟದ ನೋಟಕೆ, ಮೋಹದ ಆಟಕೆ...
ಮಿಂಚಿನ ನೋಟಕೆ, ಸಂಚಿನ ಆಟಕೆ...
ನಾ, ನಾನಲ್ಲೆ ಬೆಡಗಿ!!! ನಾ, ನಿನ್ನಲ್ಲೆ ಕಣೆ ಹುಡುಗಿ..
ಭಾವವೂ ನಿನದೆ, ಬಂಧವೂ ನಿನದೆ...
ಬಯಕೆಯ ಬಂಧಕೆ,ಸೆಳೆತದ ಭಾವಕೆ
ಒಲವಿನ ಬಂಧಕೆ,ಉಳಿವಿನ ಭಾವಕೆ...
ನಾ, ನಾನಲ್ಲೆ ಬೆಡಗಿ!!! ನಾ, ನಿನ್ನಲ್ಲೆ ಕಣೆ ಹುಡುಗಿ..
ಕನಸು ನೀನಾದೆ, ಮನಸು ನೀನಾದೆ...
ಕಡಲಿನ ಕನಸಿಗೆ,ಮುತ್ತಿನ ಮನಸಿಗೆ..
ಕೆರಳಿದ ಮನಸಿಗೆ, ಅರಳಿದ ಕನಸಿಗೆ...
ನಾ, ನಾನಲ್ಲೆ ಬೆಡಗಿ!!! ನಾ, ನಿನ್ನಲ್ಲೆ ಕಣೆ ಹುಡುಗಿ..
ನೋಟವ ಆಟದೆ ಮುಳುಗಿಸಿ,ಭಾವವ ಬಂಧದೆ ಸಿಲುಕಿಸಿ..
ಮನಸನು ಕನಸಲಿ ತೇಲಿಸಿ, ಕಂಗೆಡದೆ ಕಣ್ಣೊರೆಸಿ,,
ಮೊಗದಲಿ ನಗೆ ಸುರಿಸಿ, ನಿನ್ ತನವ ನಿನ್ನಲೆ ಉಳಿಸಿ,
ನೀನಾಗೆ ನನ್ನೊಲುಮೆಯೆಡೆ ನಡೆದು, ನನ್ನೊಳಗೆ ಆವರಿಸೆ ನನ್ನರಸಿ...
No comments:
Post a Comment